Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. apríl. 2013 05:19

Ráðið í tvær stjórnunarstöður hjá Akraneskaupstað

Á fundi bæjarstjórnar Akraneskaupstaðar í dag var samþykkt að ráða Steinar Dag Adolfsson í stöðu framkvæmdastjóra stjórnsýslu-og fjármálasviðs og Sigurð Pál Harðarson í stöðu framkvæmdastjóra umhverfis- og framkvæmdasviðs. Störfin voru auglýst laus til umsóknar þann 2. mars síðastliðinn með umsóknarfresti til og með 24. mars. 25 umsækjendur sóttu um starf framkvæmdastjóra stjórnsýslu-og fjármálasviðs og 22 um stöðu framkvæmdastjóra umhverfis-og framkvæmdasviðs. Auk ofantalinna starfa var auglýst eftir atvinnu- og ferðamálafulltrúa Akraneskaupstaðar og stendur það ráðningaferli enn yfir.

 

 

 

 

Steinar Dagur er 43 ára lögfræðingur og framkvæmdastjóri Landssambands lögreglumanna. Hann lauk stúdentsprófi frá Menntaskólanum við Sund árið 1990, íþróttakennaraprófi árið 1994 og útskrifaðist sem lögfræðingur frá Háskóla Íslands árið 2001. Steinar Dagur hefur starfað sem framkvæmdastjóri Landssambands lögreglumanna í 5 ár, tímabilin 2007 til 2009 og aftur frá árinu 2010. Árið 2009 starfaði hann sem verkefnisstjóri vinnumarkaðsúrræða hjá NAV Kongvinger í Noregi, sem lögfræðingur yfirstjórnar hjá embætti ríkislögreglustjóra árin 2003 til 2007 og sem lögfræðingur hjá sveitarfélaginu Kongsvinger árin 2002 til 2003. Steinar Dagur var landsliðsmaður í knattspyrnu og starfaði sem atvinnumaður í fótboltanum árin 1999-2002. Steinar Dagur er kvæntur Hafrúnu Jóhannesdóttur leikskólakennara og eiga þau þrjú börn.

 

Sigurður Páll Harðarson er 51 árs verkfræðingur og starfar sem sviðsstjóri umhverfis-og framkvæmdasviðs Hafnarfjarðar. Sigurður Páll lauk stúdentsprófi frá Fjölbrautaskóla Vesturlands á Akranesi árið 1981, BS í byggingaverkfræði frá Háskóla Íslands árið 1989, M.Sc í byggingaverkfræði frá Tækniháskólanum í Danmörku árið 1993 og MBA frá Háskóla Íslands árið 2004. Sigurður Páll hefur gegnt starfi sviðsstjóra hjá Hafnarfjarðarbæ frá árinu 2009. Hann starfaði hjá KPMG árin 2007 til 2009 og var bæjarverkfræðingur í Borgarbyggð árin 1993 til 2007. Sigurður Páll er kvæntur Áslaugu Árnadóttur snyrtifræðingi og eiga þau þrjú börn.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is