Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. apríl. 2013 08:01

Stuttmyndin Hvalfjörður valin í aðalkeppnina í Cannes

Stuttmyndin Hvalfjörður eftir Guðmund Arnar Guðmundsson hefur verið valin til þátttöku í aðalkeppni á kvikmyndahátíðinni í Cannes sem verður nú haldin í 66. sinn, dagana 15.-26. maí nk. Guðmundur er einnig handritshöfundur og annar framleiðenda myndarinnar ásamt Antoni Mána Svanssyni. Meðframleiðendur eru Sagafilm, Danirnir Darin Mailand-Mercado og Jacob Oliver Krarup ásamt Rúnari Rúnarssyni. Með aðalhlutverk fara Ágúst Örn B. Wigum og Einar Jóhann Valsson. Til Cannes voru sendar inn 3500 stuttmyndir frá 132 löndum, með það að markmiði að komast í aðalkeppnina. Aðeins níu voru að lokum valdar til keppni og er Hvalfjörður ein þeirra. Hvalfjörður keppir því um Gullpálmann í ár og er þetta mikill heiður fyrir leikstjóra og alla aðstandendur myndarinnar. Hvalfjörður sýnir sterkt samband tveggja bræðra sem búa á litlum sveitabæ ásamt foreldrum sínum. Áhorfendur fá að skyggnast inn í heim þeirra út frá sjónarhorni yngri bróðurins og fylgja honum í gegnum örlagaríka daga sem marka þáttaskil í lífi bræðranna.

Þetta er í þriðja sinn sem íslenskri stuttmynd hlotnast sá heiður að vera valin til aðalkeppni í flokki stuttmynda á Cannes. Áður hafði stuttmynd Ingu Lísu Middleton, Ævintýri á okkar tímum, keppt um Gullpálmann árið 1993. Sömu sögu er að segja af stuttmynd Rúnars Rúnarssonar, Smáfuglar, sem keppti um Gullpálmann árið 2008. Formaður dómnefndar í aðalkeppni í flokki kvikmynda í fullri lengd er bandaríski leikstjórinn Steven Spielberg og formaður dómnefndar í aðalkeppni í flokki stuttmynda er nýsjálenski leikstjórinn Jane Campion.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is