Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. apríl. 2013 06:15

Ráðstefna í þjóðfélagsfræðum á Bifröst

Háskólinn á Bifröst stendur fyrir árlegri ráðstefnu í þjóðfélagsfræðum dagana 3. og 4. maí næstkomandi. Á ráðstefnunni verða yfir eitt hundrað fyrirlestrar haldnir og fjalla þeir um allt á milli himins og jarðar; kynlíf í gamla bændasamfélaginu, hagræn áhrif bókaútgáfu, áhugamannakóra, kannabisnotkun fullorðinna, fiskveiðideilur á Norðurslóðum, þróunarsamvinnu, efnahagsástandið, áhrif og óhefðbundnar lækningar,  konur í stjórnum fyrirtækja og lýðræðistilraunir svo fátt eitt sé nefnt.    Báðir dagar ráðstefnunnar hefjast á meginfyrirlestri fyrir alla gesti og þátttakendur en aðrir fyrirlestrar verða fluttir í málstofum. Fimm málstofur verða í gangi samhliða báða dagana.

Vilhjálmur Árnason prófessor við Háskóla Íslands talar seinni daginn um íslenskt lýðræði í aðdraganda og eftirmála hrunsins. Vilhjálmur færir í erindi sínu rök fyrir því að þeir veikleikar íslensks samfélags sem dregnir voru fram í rannsókn á orsökum bankahrunsins haldist í hendur við vissa útgáfu af frjálslyndri sýn á lýðræði þótt aðrir þættir frjálslynds lýðræðis, svo sem hófsöm temprun valdsins og jafnvægi valdþátta, hafi verið vanræktir.

 

Aagot Óskarsdóttir við Háskólann á Bifröst talar fyrri daginn um þær áskoranir sem frumvarp að nýrri stjórnarskrá hefur verið íslenskri lögfræði. Hún beinir sjónum beint að umræðu um og þróun ákvæðis um þjóðareign á auðlindum og samræðu lögfræðinnar við samfélagið hvað það varðar. Þá veltir hún upp þeirri spurningu hvort aðferðin við gerð stjórnarskrárfrumvarpsins sem Alþingi hafði til meðferðar á síðasta þingi kalli að einhverju leyti á breyttar áherslur við skýringu stjórnarskrárákvæða.

 

Dagskrá ráðstefnunnar má finna hér http://www.bifrost.is/thjodfelag/

 

Skráningu þátttakenda er lokið, en áhugasamir geta skráð sig sem gestir á meginfyrirlestur og í eina til tvær málstofur. Gestaþátttaka kostar 1000 kr.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is