Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. apríl. 2013 11:16

Fjórar valkyrjur keppa í ræðukeppni í Borgarnesi

Það verður fjöldi blómarósa og nokkrir herramenn sem munu setja svip sinn á Borgarnes helgina 3. til 5. maí næstkomandi. Þá munu POWERtalk félagar halda sitt árlega landsþing á Hótel Borgarnesi. Heiðursgestur þingsins verður Bryndís Hlöðversdóttir, fráfarandi rektor Háskólans á Bifröst. POWERtalk eru alþjóðleg þjálfunarsamtök sem þjálfa fólk í að koma fram og koma fyrir sig orði og þar er hægt að hefja markvissa þjálfun í ræðumennsku, framkomu og fundastjórn svo fátt eitt sé nefnt. Í fréttatilkynningu frá hópnum kemur fram að þjálfunin gagnist öllum, hvort sem er einstaklingum í nefndum, foreldrum á foreldrafundum, sölumönnum með kynningar, námsmönnum í flutningi verkefna, stjórnmálamönnum framtíðarinnar og öðrum sem vilja koma skoðun sinni á framfæri. „Þetta eru mannræktarsamtök þar sem allir geta fengið þjálfun á eigin forsendum og á þeim hraða sem þeir kjósa,“ segir í tilkynningunni.

 

 

 

 

Á föstudeginum fer fram hin æsispennandi ræðukeppni þar sem sigurvegarar deilda POWERtalk takast á. „Hver mun bera sigur úr býtum á eftir að koma í ljós, en í þessari árlegu ræðukeppni er ekki að sjá að þar sé hin landlæga hlédrægni að hrjá konur því að í ár eru keppendur fjórar galvaskar konur sem hafa nú þegar borið sigur úr býtum í sinni deild og láta sér ekki allt fyrir brjósti brenna. Þá mun María Björk Óskarsdóttir kynna bókina sem hún og Sigríður Snævarr hafa samið upp úr námskeiðinu sem þær hafa haldið fyrir atvinnuleitendur og nefnist „Nýttu Kraftinn“.“

Í tilkynningu frá félaginu segir að hugmyndin með því að halda þingið í Borgarnesi sé að kynna betur samtökin út um allt land og hvetja til þess að fleiri deildir verði stofnaðar sem víðast um landið, en nýjasta deildin var til að mynda stofnuð á Patreksfirði síðasta haust.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is