Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. maí. 2013 01:01

Kiwanismenn gefa hjólreiðahjálma í grunnskólana

Þessa dagana eru félagar í Kiwanisklúbbnum Þyrli á Akranesi að afhenda reiðhjólahjálma í fyrstu bekki grunnskólanna á Akranesi og í Hvalfjarðarsveit. Sveit Kiwanismanna var mætt í Grundaskóla á Akranesi í bítið einn morgun í vikunni sem leið til að afhenda hjálmana. Alls verða það 101 fyrstu bekkingur sem fá hjálmana á Akranesi og átta í Hvalfjarðarsveit. Áður en hjálmarnir voru afhentir börnunum ræddi Sigurður Þór Elísson verkefnisstjóri umferðarfræðslu í Grundaskóla við börnin um notkun hjálma í umferðinni; á reiðhjólinu, á hlaupahjólinu og hjólaskautunum, og um réttar stillingar á hjálminum. Og það voru ekki aðeins hjálmarnir sem börnin fengu frá Kiwanisklúbbnum Þyrli, heldur fylgdi í pakkanum bolti, endurskinsmerki og buff til að nota undir hjálminum þegar svalt er í veðri. Að sjálfsögðu fengu stelpurnar bleika hjálma og strákarnir bláa, en reyndar var eitthvað um það að stelpurnar vildu bláa hjálma. Einn strákurinn spurði um hvort ekki væri hægt að fá gráan hjálm, en börnin þurftu margs að spyrja og ræða.

Ingimar Hólm Ellertsson hafði orð fyrir þeim Þyrilsmönnum við afhendinguna. Brýndi hann fyrir börnunum að nota hjálmana og gat þess í leiðinni að þetta væri 21. vorið sem kiwanishreyfingin á Íslandi afhenti hjálma í forskóladeildir um mest allt land.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is