Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Smáauglýsingar

LOAN OFFER APPLY TODAY FOR MORE INFO

Do you need a loan at a low interest rate? Have you been denied a loan by a bank because you have no...
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. maí. 2013 04:01

Frænkur með málverkasýningu og tónleika í Vitanum

Frænkurnar Erna Hafnes Magnúsdóttir myndlistarkona og Hanna Þóra Guðbrandsdóttir söngkona ætla að standa fyrir listviðburðum í Akranesvita á Breið nú um helgina, laugardaginn 4. og sunnudaginn 5. maí. Erna Hafnes verður með málverkasýningu í Vitanum kl. 14-16 þessa daga og Hanna Þóra með tónleika klukkan 15 báða dagana. Hanna Þóra syngur þrettán lög á tónleikunum og Erna verður með jafnmörg verk unnin í olíu á sýningunni. Hanna Þóra segir að við val á lögunum hafi verið reynt að ná sem mestri tengingu við Akranes, en þetta séu íslensk dægur- og sönglög og vögguvísur. Það er Jón Gunnar Biering sem leikur undir á gítar. Erna valdi textabrot úr hverju lagi sem Hanna Þóra syngur á tónleikunum og eru verkin að talsverðu leyti byggð á þeim. Myndirnar hefur hún unnið á skömmum tíma og átti m.a. eftir að ganga frá nokkrum þeirra þegar blaðamaður Skessuhorns hitti þær frænkur á dögunum.

Aðspurðar sögðust þær Erna Hafnes og Hanna Þóra vera mikið skyldar, systkinadætur af ættlegg sem kenndur er við Beitistaði í Hvalfjarðarsveit.

Þær segjast oft hafa rætt sín á milli að gera eitthvað og nýta kraftana saman. Hugmyndin að þessum viðburðum í Vitanum hafi kviknað í vetrarbyrjun. Þar hafi einnig komið til áeggjan Hilmars Sigvaldasonar „vitavarðar“ í Akranesvita sem beitir sér mjög fyrir því að fólk heimsæki vitann og fátt væri betra í þeim tilgangi en að efna til listviðburða í vitanum.

Báðar eru þær Hanna Þóra og Erna störfum hlaðnar. Hanna Þóra er mikið að syngja klassísk verk í Óperunni, verður m.a. með tónleika um miðjan maí. Erna Hafnes er umsjóna- og smíðakennari í 2. bekk Brekkubæjarskóla auk þess að sinna listinni á vinnustofu heima og sjá um sitt heimili eins og Hanna Þóra frænka hennar. Þær vonast eftir fjölmenni í Vitann um næstu helgi.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is