Forsíða
Auglýsing
Rss straumur af fréttum frá Skessuhorni
Náttmál. Fjórði Frjádagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. maí. 2013 02:01

Sögumiðstöðin verður Menningarmiðstöðin Grund

Framkvæmdir við húsnæði Sögumiðstöðvarinnar í Grundarfirði hafa staðið yfir að undanförnu, eins og Skessuhorn hefur þegar fjallað um. Eftir miklar vangaveltur um stöðu og möguleika Sögumiðstöðvarinnar í vetur var tekin ákvörðun af bæjaryfirvöldum og stjórn Eyrbyggju - Sögumiðstöðvar að efla hana sem menningarmiðstöð. Þá var meðal annars tekin ákvörðun um að flytja bókasafnið í húsnæðið. Ávinningur af því væri bæði fyrir húsið og bókasafnið því hægt væri að hafa lengri opnunartíma á bókasafninu og starfrækja svokallað bókakaffi. Á fundi bæjarstjórnar Grundarfjarðar síðastliðinn þriðjudag var jafnframt lagt til að nafn hússins yrði hér eftir „Menningarmiðstöðin Grund“. „Menningarmiðstöðin á að hafa það lykilhlutverk að íbúar Grundarfjarðar líti á hana sem stað fyrir fjölbreytta félagsaðstöðu,“ segir meðal annars í frétt á heimasíðu Grundarfjarðarbæjar.

 

 

 

 

Inngangurinn aftur fyrir miðju hússins

Eyrbyggja - Sögumiðstöð var stofnuð í Grundarfirði árið 2003, en tilgangurinn var meðal annars að halda utan um sagnaarf og menningararf Snæfellinga. Ingi Hans Jónsson hefur verið forstöðumaður Sögumiðstöðvarinnar frá upphafi og unnið mikið frumkvöðlastarf við uppbyggingu hennar. Árið 2007 var gerður samstarfssamningur Sögumiðstöðvar og Grundarfjarðarbæjar til sex ára, um menningarhlutverk og þjónustu Sögumiðstöðvar gegn föstu, árlegu fjárframlagi bæjarins. Ljóst þótti að óbreyttur rekstur var ekki sjálfbær.

Arkitektar frá Glámu/Kím voru fengnir til að teikna nýtt útlit en meðal breytinga eru þær að nýr inngangur verður fyrir miðju hússins. Þar var inngangurinn í húsið á árum áður, meðal annars þegar verslunin Grund var þar starfrækt. Þá verður einnig lagt í nokkrar viðhaldsframkvæmdir. „Við breytingarnar reyndist óhjákvæmilegt að fjarlægja litla bæinn en hugmyndir eru uppi um stækkun hússins sem eykur sýningarrými til mikilla muna. Áætlanir gera ráð fyrir að bærinn eða sambærileg sýning verði endurbyggð í tengslum við stækkun hússins. Áfram verður því rými í húsinu fyrir sýningar tengdar sögu Grundarfjarðar,“ segir í frétt á heimasíðu Grundarfjarðarbæjar. Bókasafnið verður í miðrými hússins og þá mun minjasafnið, Þórðarsafn og Bæringsstofa haldast óbreytt. Myndir af tilvonandi breytingum má finna í Skessuhorni vikunnar.

 

Miðstöðin starfrækt allt árið

Í tilkynningu Grundarfjarðarbæjar kemur fram að við þessar breytingar hafi verið horft til þess að aðstæður hafa breyst í þjóðfélaginu. Erfitt sé að sækja opinbera styrki til menningarstarfsemi og frekari aðkoma sveitarfélagsins að rekstrinum hafi því verið nauðsynleg. „Til að nýta fjármuni sveitarfélagsins sem best var brýnt að tengja starfsemina annarri þjónustustarfsemi, til dæmis bókasafni, upplýsingamiðstöð og samfélagsmiðstöð. Bæringsstofa verður áfram í húsinu og áætlanir gera ráð fyrir að myndir Bærings fái veglegan sess í menningarmiðstöðinni. Stefnt er að því að húsið verði starfrækt allt árið og í sumar verður rekin þarna upplýsingamiðstöð fyrir ferðamenn eins og áður,“ segir í tilkynningu Grundarfjarðarbæjar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is