Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. maí. 2013 02:15

Snorra á Augastöðum afhent fyrsta eintak Símaskrárinnar 2013

Snorri H. Jóhannesson, bóndi og rótgróinn björgunarsveitar-maður frá Augastöðum í Borgarfirði, tók í morgun við fyrstu Símaskránni 2013. Það var Margrét Lena Kristensen sem afhenti honum Símaskrána, en hún er ein af mörgum sem á þakkarkveðju til björgunarsveita sem prýðir forsíðu bókarinnar. Snorri hefur verið björgunarsveitamaður í yfir fjörtíu ár, var í hópi stofnfélaga í björgunarsveitinni Ok í Borgarfirði og starfaði þar til fyrir skemmstu sem formaður sveitarinnar. Símaskráin 2013 sækir innblástur í sjálfboðaliðastarf Slysavarnafélagsins Landsbjargar og minnir á þau verðmæti sem íslenskt samfélag á í þeim 18 þúsund konum og körlum sem helga starfi Slysavarnafélagsins Landsbjargar frítíma sinn og eru ávallt reiðubúin til hjálpar þegar á þarf að halda, eins og segir í tilkynningu frá ja.is vegna útgáfu Símaskrárinnar. Þá eru reynslusögur og þakkir landsmanna sem notið hafa góðs af starfi Landsbjargar birtar í Símaskránni sjálfboðaliðunum til heiðurs.

„Einu laun sjálfboðaliðanna eru þakklæti samfélagsins og Símaskránni er ætlað að undirstrika þann hlýhug sem landsmenn bera til björgunarsveitanna. Einnig eru í Símaskránni birtar ljósmyndir af sjálfboðaliðum Landsbjargar við ýmis störf, ásamt heilræðum um slysavarnir og hagnýtum upplýsingum um öryggismál, ferðamennsku og útivist og starf björgunarsveitanna,“ segir jafnframt í tilkynningunni.

 

 

Á Vesturlandi er hægt að nálgast Símaskrána á afgreiðslustöðvum Póstsins. Fólki er bent á að hægt er koma með eldri símaskrár til endurvinnslu á bensínstöðvum Olís og Skeljungs, við verslun Símans í Ármúla og á öllum afgreiðslustöðvum Póstsins á landsbyggðinni.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is