Forsíða
Auglýsing
Rss straumur af fréttum frá Skessuhorni
Lágnætti. Fjórði Óðinsdagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. maí. 2013 10:37

Ný gönguleiðabók um Snæfellsnes komin út

Bókin 25 gönguleiðir á Snæfellsnesi eftir Reyni Ingibjartsson er komin út hjá Bókaútgáfunni Sölku. Þetta er fjórða bókin í ritröð Sölku og Reynis um gönguleiðir. Áður hafa komið út bækurnar: 25 gönguleiðir á höfuðborgarsvæðinu, 25 gönguleiðir á Hvalfjarðarsvæðinu og 25 gönguleiðir á Reykjanesskaga, sem allar hafa notið vinsælda hjá unnendum útivistar.  Í nýju bókinni er lýst 25 gönguleiðum á Snæfellsnesi, en svæðið teygir sig frá gömlu sýslumörkunum við Hítará og hringinn um Snæfellsnes, að fornum sýslumörkum við ána Skraumu milli Snæfellsness og Dala. Leiðirnar eru ýmist við ströndina eða inn til landsins og eru mjög fjölbreyttar. Leitaðir hafa verið uppi fjölmargir staðir á Snæfellsnesi sem göngufólki eru almennt ekki kunnir og að jafnaði er gengið í hring og stundum er hægt að velja um styttri eða lengri hring. Vegalengdin er frá um 2 km í 10 km. og því um að ræða hentugar gönguleiðir fyrir fjölskyldufólk. Kort með fjölda örnefna fylgir hverjum gönguhring, ásamt leiðarlýsingu og myndum af því sem fyrir augu ber.

 

 

 

 

„Vart þarf að lýsa þeim fjölbreytileika sem býr í náttúru Snæfellsness, oft er sagt að Snæfellsnesi sé smækkuð mynd af Íslandi og þar megi finna flest það sem einkennir náttúru landsins. Snæfellsnesið er líka ævintýraheimur sagna af ýmsum toga, auk þess sem þar er vettvangur margra Íslendingasagna. Hér er sagan við hvert fótmál og fjölbreytileiki landslagsins einstakur,“ segir í tilkynningu frá Sölku.

 

Útgáfan kynnt í Stykkishólmi á laugardaginn

Bókin 25 gönguleiðir á Snæfellsnesi verður kynnt í Eldfjallasafninu í Stykkishólmi, laugardaginn 25. maí og hefst kynningin kl. 15. Þangað eru allir velkomnir.

 

Í kjölfarið verður forsýning á heimildakvikmynd eftir Kára G. Schram: BROT úr sögu Þórðar Halldórssonar frá Dagverðará, hins kunna Snæfellings og Jöklara sem Kári G. Schram leikstjóri er að leggja lokahönd á þessa dagana. Þórður lést 2003 nærri 100 ára og þá löngu orðinn að þjóðsagnarpersónu. Kári hefur grafið upp og sett saman margt fáséð um Þórð og skilar honum í myndinni, bráðlifandi.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is