Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. maí. 2013 02:09

Þriðji hópurinn útskrifast úr Sterkari stjórnsýslu á Bifröst

Síðastliðinn laugardag luku níu nemendur námi við Háskólann á Bifröst í Sterkari stjórnsýslu. Þetta er þriðji hópurinn sem útskrifast úr þessu námi frá því það hófst fyrst í febrúar 2012. Samtals hafa nú 43 lokið því. Þátttakendur að þessu sinni komu frá fimm sveitarfélögum; Borgarbyggð, Akranesi, Bolungarvík, Garðabæ og Reykjavík. „Nemendur hafa fengið góða innsýn í fimm námsgreinar í gegnum fjarnám undanfarnar 12 vikur. Kennd er mannauðsstjórnun og hlutverk stjórnandans, stjórnsýsluréttur, siðfræði og samfélag, breytingastjórnun og fjármál og áætlanagerð. Námið spannar 12 vikur og fer fram í fjarnámi í bland við þrjár vinnulotur á Bifröst. Á vinnulotunum hitta nemendur kennara, vinna verkefni, njóta náttúrunnar í nágrenni skólans og styrkja tengslin.

Samhliða náminu vinna nemendur að lokaverkefni að eigin vali og að þessu sinni fjölluðu verkefnin um gerð starfsmannahandbókar og móttökuáætlunar fyrir leikskóla, félagsmiðstöð og búsetuþjónustu fatlaðra, viðhorf kennara til kjarasamninga félags grunnskólakennara og sambands íslenskra sveitarfélaga og miðlægan gagnagrunn fyrir upplýsingar um greiningar og athuganir fyrir grunn- og leikskólabörn,“ segir í tilkynningu frá Háskólanum á Bifröst.

 

Markmiðið með Sterkari stjórnsýslu er m.a. að stuðla að auknu samstarfi innan sveitarfélaga og á milli þeirra með öflugra tengslaneti stjórnenda. Sömuleiðis er náminu ætlað að auðvelda nemendum að starfa í síbreytilegu umhverfi með aukinni þekkingu á lagaumhverfinu sem sveitarfélögin starfa innan, aukinni fjármálaþekkingu og skilningi á siðfræði, mannauðs- og breytingastjórnun.

 

Opið er fyrir umsóknir í Sterkari stjórnsýslu á haustönn 2013 en námið hefst með vinnulotu á Bifröst 20.-21. september nk.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is