Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. júní. 2013 10:35

Íslandsmót eldsmiða fór fram á Safnasvæðinu í Görðum

Íslandsmót eldsmiða var haldið á Safnasvæðinu í Görðum á Akranesi sl. sunnudag. Eldsmiðir mættu á föstudaginn og helgin hófst á því að haldið var námskeið fyrir byrjendur í eldsmíði og var aðsókn framar öllum vonum. Þrettán tóku þátt og voru þeir á aldrinum fjórtán ára til um sjötugs. Að þessu sinni var smíðað skýli yfir smiðjurnar, sem voru á svæðinu milli Stúkuhússins og Safnaskálans. Ekki var vanþörf á vegna úrkomu framan af helgi. Einnig er sólarljós óæskilegt þar sem ef þess gætir er erfitt að sjá litinn á járninu og meta út frá honum hitann. Vonast er til að í sumar verði komin varanleg aðstaða fyrir eldsmíðina, þegar Norðurlandameistaramótið í eldsmíði verður haldið á Safnasvæðinu.

 

 

 

Níu keppendur á Íslandsmóti eldsmiða smíðuðu lamir en til þess höfðu þeir fjórar klukkustundir. Það var Gunnar Benedikt Þór Gunnarsson sem sigraði í keppninni. Gunnar hefur stundað eldsmíði frá 2005 þegar hann fór í fyrsta sinn á námskeið hjá Therese Engdahl í Hrafnagili. Gunnar hefur búið sér til aðstöðu fyrir eldsmíði að Hálsi í Köldukinn en býr núna á Akureyri. Hann er hagleiksmaður en Gunnar rennir í tré og sker út auk þess sem hann kveikir öðru hverju upp í aflinum. Hann smíðar líka stundum hjá Beate Stormo í Eyjafirðinum en finnst þó best að vera einn við vinnu sína. Aðspurður hvers vegna hann hafi sigrað að þessu sinni segir Gunnar að hann hafi einfaldlega vandað sig, eins og hann geri ætíð við það sem hann er að fást við hverju sinni. Af níu keppendum á mótinu voru þrír frá Vesturlandi, tveir frá Vestfjörðum þar af ein kona, tveir að norðan en aðrir keppendur komu af höfuðborgarsvæðinu. Dómarar á mótinu voru Guðmundur Sigurðsson og Þórarinn Svavarsson.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is