Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. júní. 2013 09:01

Evrópustofa boðar til fundar í Stykkishólmi á morgun

Ráðherraráð Evrópusambandsins og Evrópuþingið hafa náð samkomulagi um breytta og bætta sjávarútvegsstefnu ESB. Til að kynna helstu efnisatriði hennar efnir Evrópustofa til opinna funda með Ole Poulsen, sérfræðingi í sjávarútvegsmálum ESB, í Stykkishólmi, Vestmannaeyjum og Reykjavík dagana 12. – 14. júní næstkomandi. Fundurinn í Stykkishólmi verður haldinn á morgun, miðvikudaginn 12. júní, á Hótel Stykkishólmi milli kl. 12 og 13 og eru allir áhugasamir hvattir til að mæta.

 

Markmiðið með hinni breyttu og endurbættu stefnu aðildarríkja ESB í sjávarútvegi sem samkomulag hefur nú náðst um milli ráðherraráðsins og Evrópuþingsins er að gera fiskveiðar allra ESB landa sjálfbærar. Jafnframt er stefnt að því að auka stærð fiskistofna og draga almennt úr sóun verðmæta við fiskveiðar.

Sjávarúrvegsstjóri ESB, Maria Damanaki, sagði samkomulagið sögulegt skref sem leiða myndi til róttækra breytinga og nefndi hún meðal annars að ákvarðanataka yrði ekki lengur eingöngu í Brussel, heldur horft til svæðisbundinna lausna í sátt og samráði við hagsmunaaðila og viðkomandi stjórnvöld. Ole Poulsen, sem nýlega lét af störfum hjá danska sjávarútvegsráðuneytinu, hefur tekið þátt í mótun sjávarútvegsstefnu ESB frá upphafi, þar á meðal þeirri endurskoðun sem staðið hefur yfir, auk þess sem hann hefur verið ráðgjafi sjávarútvegsráðherra Danmerkur í rúm 30 ár. Hann býr yfir afar yfirgripsmikilli þekkingu á hinni sameiginlegu sjávarútvegsstefnu ESB sem og áhrifum hennar á danskan sjávarútveg og sveitarfélög þar sem sjávarútvegurinn er lífæð byggðalaganna.

-Fréttatilk.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is