Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. júní. 2013 10:01

Góð aflabrögð hjá grásleppusjómönnum á Breiðafirði

Aflabrögð hafa verið góð hjá grásleppusjómönnum á Breiðafirði síðan veiðar hófust inni á firðinum 20. maí síðastliðinn. „Við erum ánægðir með fiskiríið en óánægðir með annað, svo sem að dagafjöldinn er orðinn alltof lítill á veiðunum,“ segir Páll Aðalsteinsson sem rær frá Stykkishólmi ásamt félaga sínum Álfgeiri Marinóssyni. Þeir hafa frá 20. maí róið á Önnu Karen SH og voru á mánudaginn búnir að fá 16,5 tonn af heilli grásleppu, en fengu í fyrra á 50 dögum sem þá voru leyfðir til veiðanna 25 tonn á þann bát. Núna 20. júní verður 32 dagarnir sem nú eru leyfðir á bát búnir og þá gera þeir félagar út næsta tímabili á Fríðu SH, sem þeir eiga einnig.

Páll segir betri veiði nú en í fyrra megi meðal annars rekja til þess að mun færri net eru í sjó, 200 á bát í stað 300 í fyrra. Nú eru líka færri bátar sem stunda veiðarnar, 13 bátar frá Stykkishólmi en voru þremur eða fjórum fleiri í fyrra. Hrognaverð hefur lækkað og er nú í sögulegu lágmarki, 400 krónur fengjust nú fyrir kílóið af hrognunum í stað 1250 króna þegar það var best. Það bætir hins vegar úr skák segir Páll að nú sé grásleppan seld heil og fyrir stykkið fáist 600 krónur með hrognum. Aðspurður segir hann að veður og gæftir frá því veiðarnar byrjuðu innan kollulínunnar 20. maí hafi verið mjög hagstæðar, en sú lína nær frá Lambanesi við Arnórsstaði rétt vestan við Brjánslæk yfir að Krossnesvík vestan við Grundarfjörð. Þeir félagar Páll og Álfgeir leigðu sér bát til að stunda veiðar utan línunnar frá 20. mars til 20. apríl. „Þá voru ógæftir og netatjón og við veiddum bara tíu tonn, þannig að það var lítið út úr því að hafa,“ sagði Páll Aðalsteinsson.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is