Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. júní. 2013 03:08

Leita með sónar við Kolkuós að minkabananum

Flokkur frá Björgunarfélagi Akraness verður mættur í bítið í fyrramálið til leitar að minkabananum úr Skagafirði, sem féll í Hjaltadalsá til móts við bæinn Viðvík sl. þriðjudag. Hans hefur síðan verið leitað af björgunarsveitum sem koma af stóru svæði norðan lands auk þess sem þyrla hefur verið við leit. Ástæðan fyrir því að flokkurinn frá Björgunarfélagi Akraness fer norður er sú að sveitin býr yfir leitarsónar sem myndar botn áa og vatna. „Við munum skanna ósinn og eyrarnar eins vel og mögulegt er. Áin hefur sjatnað og skilyrði til leitar betri en voru fyrr í vikunni. Mér skilst að vatnsborð árinnar hafi lækkað um 20 sentimetra frá því í gær,“ sagði Guðni H Haraldsson hjá BA þegar Skessuhorn ræddi við hann í dag.

Guðni sagði að stefnt væri á mjög umfangsmikla leit á morgun, laugardag, og yrðu við leit björgunarsveitir af stóru svæði fyrir norðan sem kemba munu ána. Hjaltadalsá var mjög straummikil á þriðjudag þegar slysið gerðist. Sett var út rekald fljótlega til að átta sig á hver rekstefnan væri og skolaði því niður að ósnum á 20 mínútum fimm kílómetra árfarveginn til sjávar. Umræddur ós er Kolkuós sem samnefnt eyðibýli stendur við. Nokkru ofan við ósinn sameinast Hjaltadalsá og Kolbeinsdalsá og heitir eftir það Kolka, síðasta legginn til sjávar. Spölkorn frá Kolkuósi er Elínarhólmi og á þessu svæði munu leitarmenn BA beina sónarnum á morgun.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is