Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. júní. 2013 10:53

Dýrbítum fjölgar ótæpilega og færa sig sífellt nær byggð

Eins og greint hefur verið frá í Skessuhorni og fleiri fjölmiðlum að undanförnu virðist sem tófan sé nú sífellt að gerast aðgangsharðari niður í byggð og á það við um alla landshluta. Sækir vargurinn mikið í lambfé og ýmist drepur eða særir til ólífis í fyrstu atrennu. Verða bændur nú varir við tófu víða í nágrenni bæja og innan túngirðinga. Tófan er nú í mikilli ætisleit enda eru yrðlingar að komast á legg og þurfa sinn mat. Ástæða fyrir þessari miklu fjölgun nú gæti verið samverkandi áhrif fjölgunar í refastofninum sökum minnkandi grenjavinnslu, minnkandi æti eða aðrir þættir. Hver sem ástæðan er þykir bændum ljóst að við svo búið verður ekki unað. Óhófleg fjölgun tófu er nýtt vandamál sem þeir standa ráðþrota gagnvart þar sem dregið hefur verið gríðarlega úr fjárveitingum til grenjavinnslu.

 

 

 

 

Nú eru dæmi um að skotnar hafa verið allt að tíu tófur á sömu bújörðinni á Vesturlandi í vor og bændur hafa vart undan að stugga við lágfótu úr lambfé. Afleiðingarnar eru eins og sjá má á meðfylgjandi mynd. Hana tók Dagbjartur Dagbjartsson í Hrísum í Flókadal í gærmorgun þegar hann gekk fram á þetta lamb þegar hann var að gera við túngirðinguna. Þótt ótrúlegt megi virðast var lambið enn lifandi þegar Dagbjartur fann það, en hefði drepist fljótlega, ef því hefði ekki verið hjálpað yfir móðuna miklu, enda vantaði á það hálfa snoppuna. Vissulega ófögur sjón, en skýrt dæmi um aðfarir tófunnar þegar henni er leyft að fjölga ótæpilega.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is