Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. janúar. 2003 06:20

Festu kaup á fyrirtæki sem framleiðir spíralrör og flytur inn byggingarefni

Þrátt fyrir að nokkur samdráttur hafi verið í byggingariðnaði á síðasta ári er stöðugur vöxtur hjá Vírnet Garðastáli í Borgarnesi sem er að mestu í framleiðslu og innflutningi á byggingarefni. Meðal annars er fyrirtækið langstærst í framleiðslu á utanhússklæðningum hér á landi auk þess að vera eina fyrirtækið sem framleiðir nagla hérlendis. Að sögn Stefáns Loga Haraldssonar framkvæmdastjóra jókst velta fyrirtækisins um 42 milljónir á síðasta ári, eða um 6,6%. Þrátt fyrir það var reksturinn sambærilegur og árið áður en á síðustu árum hefur fyrirtækið hinsvegar verið að auka umsvif sín. „Veltuaukningin á síðasta ári skýrist á því að á meðan að samdráttur hefur verið í nýframkvæmdum hefur verið aukning í viðhaldsverkefnum sem hafa setið á hakanum á þenslutímum,“ segir Stefán.
Viðbót
Starfsmenn fyrirtækisins eru 62 í dag en árið 1999 voru þeir 42. Þess má geta að í millitíðinni hefur fyrirtækið sameinast Garðastáli og tekið yfir framleiðslu þess á klæðningaefni. Skömmu fyrir síðustu áramót festi Vírnet - Garðastál síðan kaup á fyrirtækinu Lindax. Stefán segir að þau kaup feli reyndar ekki í sér umtalsverða fjölgun starfsmanna en starfsmenn hjá Lindax eru sex. Hann segir að sameiningin feli hinsvegar í sér nokkra veltuaukningu og komi til með að styrkja stoðir þeirrar starfsemi sem fyrir er. „Lindax er fyrirtæki sem var í eigu Esjuberg sem er eignarhaldsfélag O. Johnson og Kaaber. Lindax er með umboð fyrir Lindab sem er einn stærsti byggingavöruframleiðandi í Skandinavíu. Lindax er meðal annars í innflutningi á Lindab þakrennum og hverskonar loftræstibúnaði. Þá hefur fyrirtækið framleitt spíralrör fyrir loftræstikerfi og vatnshitablásara. Við höfum nú þegar flutt spíralröraframleiðsluna í Borgarnes og bætt við einu stöðugildi hér. Við ætlum síðan að flytja framleiðsluna á vatnshitablásurunum hingað en við verðum áfram með innflutningsskrifstofuna og lager í húsnæði Lindax í Reykjavík. Þangað flytjum við einnig söluskrifstofu og lager sem við höfðum fyrir í Reykjavík.

Húsið fullt
Stefán segir að ávinningurinn af kaupunum á Lindax felist ekki síst í umboðinu fyrir Lindab sem sé með geysileg framboð af allskonar byggingarefni. „Meiningin er sú að nýta þá tækniþekkingu sem búið er að byggja upp hjá Lindax og efla enn frekar. Við höfum fyrst og fremst verið að styrkja þá starfsemi sem við erum í fyrir og þessi kaup ríma vel við það, ekki síst þar sem við höfum verið í umfangsmiklum innflutningi fyrir. Við sjáum víðar sóknarfæri en það er ljóst að eftir þetta kalla allar viðbætur á stærra húsnæði og það verður að vera næsta skref að stækka það ef fleiri tækifæri bjóðast.Við höfum samt sem áður áfram áhuga á fyrirtækjum með rekstur sem fellur að því sem við erum að gera.“
Fyrir rúmu ári festi Vírnet kaup á vélum til að framleiða milliveggjastoðir og segir Stefán að þar sé enn óplægður akur en þeirri framleiðslu hafi verið vel tekið. Þá segir hann að einnig séu bundnar miklar vonir við svokallaðan garðapanel sem er járnklæðning sem líkist panelklæðningu í útliti.
Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is