Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. janúar. 2003 10:37

Frábær aðsókn

Skagaleikflokkurinn hefur undanfarið sýnt leikritið Dýrin í Hálsaskógi í Bíóhöllinni við fádæma góðar undirtektir. Svo gott sem uppselt hefur verið á allar þær fimm sýningar sem búnar eru, samtals ríflega 1000 manns. Ákveðið hefur verið að bæta við fjórum sýningum, þ.a. tveimur í Borgarnesi um næstu helgi. Að sögn Hermanns Guðmundssonar, formanns Skagaleikflokksins, hefur aðsóknin farið fram úr þeirra björtustu vonum. „Það má í raun segja að við séum í skýjunum. Að fá ríflega 200 manns á hverja sýningu verður að teljast mjög gott. Við höfum fengið mikið af ungu fólki til liðs við okkur undanfarið sem, ásamt góðum viðtökum á leikritinu, gefur leikflokknum byr undir báða vængi.“
Skagaleikflokkurinn hefur verið á hrakhólum hvað húsnæði varðar eftir að ákveðið var að nýta kjallara íþróttahússins við Vesturgötu undir aðra starfsemi, en þar hafði leikflokkurinn afdrep um árabil. Hermann segir vonast til að húsnæðisvandræði Skagaleikflokksins leysist á næstu mánuðum. „Við vonumst til að komast inn í slökkvistöðina við Laugarbraut þegar Slökkvilið Akraness færir sig um set í vor. Við sjáum fram á að sá ráðahagur gæti gjörbreytt allri starfsemi leikfélagsins. Þarna gætum við fullunnið þau verk sem við erum að takast á við hverju sinni. Eins gætum við haldið námskeið í húsinu, verið með kvikmyndaklúbb og margt fleira. Það væri hreinlega af eigin aumingjaskap ef við gætum ekki nýtt húsið til að styrkja starf Skagaleikflokksins.“
Eins og fram kemur hér að ofan mun Skagaleikflokkurinn vera með tvær sýningar í Borgarnesi um næstu helgi. Sýningarnar verða báðar á sunnudaginn í félagsheimilinu Óðali kl.14 og 17. Miðasala hefst klukkutíma fyrir sýningu.
Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is