Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. febrúar. 2003 09:46

Aðgerðir til bjargar Kútter Sigurfara

Stjórn Byggðasafns Akraness og nærsveita samþykkti á fundi sínum nýverið að skipa nefnd sem koma skal með tillögur um viðgerðir á Kútter Sigurfara og hvernig varðveita megi skipið til framtíðar.
Að sögn Jóns Allanssonar, forstöðumanns Byggðasafnsins, er skipið í slæmu ásigkomulagi. “Þrátt fyrir að skipinu sé sinnt að einhverju leyti á hverju ári dugir það skammt gegn veðri og vindum sem á því berja. Nú er svo komið að gagngerar endurbætur þurfa að fara fram. Nefndin mun fá sérfræðinga, m.a. skipaverkfræðing og forvörð, til að gefa sitt álit á hvernig endurbótunum og varðveislu skuli háttað. Það er eiginlega tvennt sem kemur til greina. Ein leiðin er sú að byggja hús utan um skipið þar sem mastrin standa uppúr en það er töluvert ódýrara en að byggja yfir þau líka. Þá myndu endurbæturnar á skipinu líka verða ódýrari þar sem ekki þyrfti að vernda það fyrir vatni og vind. Hin er að byggja skipið algjörlega upp og láta það
standa þar sem það er. Sú leið yrði einnig mjög kostnaðarsöm þar sem mun betri og dýrari við yrði að notast við. Persónulega líst mér mun betur á þá leið að byggja hús yfir skipið. Flest lönd í kringum okkar varðveita sín skip þannig, s.s. Noregur og Svíþjóð.”
Nefndin hefur til 1.október að skila af sér tillögunum en Jón reiknar með að skýrslan verði tilbúin eitthvað fyrr. Leitast verður eftir því að Fjárlaganefnd ríkisins komi að kostnaðinum sem framkvæmdunum muni fylgja enda þykir ljóst að Akraneskaupstaður hefur ekki bolmagn til að standa að þeim einir. Að auki er Kútter Sigurfari eini skipið sinnar tegundar á Íslandi sem varðveist hefur og því um mikil menningarverðmæti að ræða fyrir þjóðina alla.
Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is