Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. júní. 2003 08:17

Loftorka kaupir Steypustöðina hf.

Loftorka í Borgarnesi ehf hefur keypt 100% hlut í Basalti ehf. sem á meðal annars Steypustöðina hf., Steypustöð Suðurlands hf. og Vinnuvélar hf. sem sjá um malarvinnslu að Esjubergi og Norðurkoti á Kjalarnesi. Basalt ehf. var í eigu 19 byggingaverktaka sem starfandi eru í byggingariðnaði. Um fjörutíu manns starfa hjá Basalti ehf.
Að sögn Konráðs Andréssonar hjá Loftorku er tilgangurinn með kaupunum á Basalti ehf. sá að auka vægi fyrirtækisins á íslenskum byggingamarkaði. „Við sáum þarna tækifæri til að komast í samband við fleiri viðskiptavini. Mest af því sem við framleiðum hér uppfrá er í föstu formi, þ.e. húseiningar og rör en fyrirtæki Basalts eru eingöngu í framleiðslu á steypu og steypuefni. Það eru hinsvegar að hluta til sömu aðilar sem eru í viðskiptum við bæði fyrirtækin og við sjáum þarna augljós samlegðaráhrif,“ segir Konráð.
Konráð segir mikið að gera hjá Loftorku um þessar mundir á öllum sviðum, hvort sem er í einingaframleiðslu, rörasteypu eða steinsteypuframleiðslu. Fyrirtækið er um þessar mundir að stækka röraframleiðslu sína verulega og annast m.a. alla röraframleiðslu fyrir Kópavogsbæ. Þá var Loftorka með lægsta boð í röraframleiðslu fyrir Reykjavíkurborg til næstu þriggja ára en það er verk upp á um 100 milljónir. Um sjötíu manns vinna nú hjá Loftorku en með kaupunum á Basalti eru starfsmennirnir orðnir um 110.
Þess má geta að Steypustöðin hf er eitt þeirra fyrirtækja sem á í viðræðum við Einkavæðinganefnd um kaup á Sementsverksmiðjunni hf. á Akranesi en Konráð segir ekki ljóst hvort nýir eigendur Steypustöðvarinnar haldi áfram í því ferli, það muni skýrast á næstu dögum.
Það var Sparisjóður Mýrasýslu sem annaðist kaupin á Basalti ehf. fyrir hönd Loftorku.
Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is