Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. nóvember. 2003 01:15

VA sameinast VR

Síðasti aðalfundur var haldinn í Verslunarmannfélagi Akraness fimmtudaginn 18. nóvember s.l. Þá var tilkynnt um niðurstöðu póstkosningar meðal félagsmanna um hvort sameina ætti félagið VR. Fyrir síðasta aðalfund voru 209 félagsmenn á kjörskrá en 90 greiddu atkvæði. Mikill meirihluti eða 96,7% þeirra sem greiddu atkvæði voru fylgjandi því en félagsmenn VR höfðu þegar samþykkt sameiningu á aðalfundi fyrr á þessu ári.
Stefnt hefur verið að sameiningu félaganna í tvö ár en þá hófu félögin samstarf. Í kjölfar þess samstarf var þjónustuver VR flutt á skrifstofu VA á Akranesi haustið 2002 og eru þar 5 manneskjur í fullu starfi. Verslunarmannafélag Akraness var stofnað 1957 en fljótlega dró úr félagsstarfinu. Árið 1964 var það vakið upp og hefur starfað af miklum krafti allar götur síðan.
Júnía Þorkelsdóttir fyrrum formaður VA sagðist í samtali við Skessuhorn vera mjög ánægð með niðurstöðu kosninganna. Félagsmenn séu greinilega ánægðir með þá þjónustu sem þeir fá í VR en fráfarandi stjórn vildi fá tveggja ára umþóttunartíma áður en ákvörðun væri tekin. Skörun atvinnusvæða var helsta ástæða þess að ákveðið var að sameina félögin.
Á síðasta aðalfundi VA veitti félagið styrki til góðra málefna. Þeir sem fengu styrki voru; Sjálfstæð búseta fatlaðra við Einigrund 50 þ.kr., sambýlið við Laugabraut, sambýlið við Vesturgötu, KFUM og K, Skátafélaga Akraness 75 þ.kr. hver, Íþróttabandalag Akraness 100 þ.kr og Björgunarfélag Akraness 150 þ.kr.
Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is