Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. júní. 2013 11:42

Þorvaldur er ánægður að fá tækifærið og hlakkar til komandi tíma

"Ég þekki til margra leikmanna í Skagaliðinu og hópurinn hefur verið í góðu jafnvægi þó svo að stigin hafi ekki alveg verið að detta inn í Pepsídeildinni. Mannskapurinn er í góðu standi og allt eru þetta drengir sem vilja ná langt í fótbolta. Ég hef trú á því að drengirnir leggi sig alla fram í verkefnin sem framundan eru og ef það tekst þá fara stigin að tikka inn, ég hef enga trú á öðru. Ég er virkilega ánægður með að hafa fengið það tækifæri að taka við Skagaliðinu,“ segir Þorvaldur Örlygsson nýráðinn þjálfari Skagamanna í fótboltanum. Aðstoðarmenn hans í þjálfarateyminu hjá ÍA verða Dean Martin og Jón Þór Hauksson.

 

 

 

 

Þorvaldur er sem kunnugt er einn af reynslumestu þjálfurum landsins og átti áður en hann snéri sér að þjálfun farsælan feril í atvinnumennskunni, meðal annars í því fornfræga félagi Notthingham Forrest í Englandi þar sem hann spilaði undir stjórn þess fræga framkvæmdastjóra Brian Clough. „Ég get ekki sagt annað en að þetta leggist bara virkilega vel í mig. Þetta bar auðvitað brátt að eftir að Þórður Þórðarson ákvað að stíga til hliðar, sem mér fannst reyndar leitt að heyra, enda hafði Þórður unnið gott starf bæði sem leikmaður og þjálfari fyrir ÍA. Ég þekki auðvitað Þórð sjálfur frá mínum tíma með KA, en hann lék þar undir minni stjórn og stóð sig þar virkilega vel í markinu. En það skiptast á skin og skúrir í þessu eins og öðru og hlutirnir geta verið fljótir að breytast í boltanum,“ segir Þorvaldur í spjalli við skrásetjara heimasíðu Knattspyrnufélags ÍA.

Þorvaldur var í fríi fyrir norðan þegar Þórður Guðjónsson framkvæmdastjóri félagsins hafði samband og viðraði þá hugmynd að Þorvaldur tæki við Skagaliðinu. „Mér fannst það strax spennandi kostur en í kjölfarið hitti ég Þórð, Inga Fannar formann KFÍA og Örn Gunnarsson stjórnarmann þar sem við fórum betur yfir málin. Eftir þann fund og stuttan umhugsunartíma var þetta aldrei spurning í mínum huga. Skaginn er klúbbur sem býr yfir mikilli hefð og sögu og ég held að flestir fótboltaþjálfarar á Íslandi geti verið sammála um að það sé virkilega spennandi tækifæri að fá að taka við Skagaliðinu. Ég er því bara virkilega ánægður með að hafa fengið það tækifæri og hlakka til tímanna sem framundan eru, enda er allt vinnuumhverfi og aðstaða til mikillar fyrirmyndar hér í fótboltabænum á Akranesi,“ sagði Þorvaldur Örlygsson skömmu eftir að hann skrifaði undir samning við ÍA sl. miðvikudag.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is