Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. september. 2003 03:18

Skólahald undir Jökli

Eins og fjallað hefur verið um í Skessuhorni lagði skólanefnd Snæfellsbæjar fram hugmyndir að róttækum breytingum í skólamálum sveitarfélagsins síðastliðið vor. Hugmyndirnar ganga út á að grunnskólarnir þrír, í Ólafsvík, á Hellissandi og á Lýsuhóli verði sameinaðir undir eina yfirstjórin, þ.e. að einn skólastjóri verði yfir skólunum þremur en sérstakur aðstoðarskólastjóri fyrir hvern þeirra. Ekki er gert ráð fyrir öðrum breytingum varðandi Lýsuhólsskóla en hinsvegar er lögð til aldursskipting í hinum skólunum tveimur, þ.e. að í skólanum á Hellissandi verði einungis nemendur í 1. - 4. bekk en í Ólafsvík verði nemendur 5. - 10. bekkjar.
Eftir að skólanefnd hafði skilað sínum tillögum til bæjarstjórnar var skipuð nefnd til að fara yfir skýrsluna. Nefndin er skipuð fjórum fulltrúum frá meirihluta bæjarstjórnar og þremur frá minnihlutanum, auk bæjarstjóra og formanns skólanefndar.

Undrskriftarlistar
Samkvæmt upplýsingum Skessuhorns eru viðbrögð bæjarbúa við skýrslu skólanefndarinnar fyrst að koma fram nú á haustdögum. Nokkurrar andstöðu virðist gæta við þessar hugmyndir og stendur nú yfir söfnun undirskrifta þar sem þessum tillögum er mótmælt. Þá ritar einn bæjarbúa, Ásta Guðrún Pálsdóttir, grein á heimasíðu Snæfellsbæjar þar sem tillögurnar eru harðlega gagnrýndar. Þar segir m.a. „Við búum í þéttbýli þar sem góður skóli er með öllu sem þarf til og stutt í íþróttahús og sund fyrir skólabörn á meðan skóladagur er, er hægt að biðja um meira.
Ég er algjörlega á móti þessu og tel þetta mikla afturför. Hvet ég þá sem eru mér sama sinnis að láta í sér heyra og stöndum saman um að láta ekki raska öryggi barna okkar. Látum þetta ekki gerast, það hljóta að vera til önnur ráð fyrst endilega þarf að gera breytingar. Hef ég heyrt því fleygt að fólk sé tilbúið að flytja úr bæjarfélaginu ef þetta verður raunin. Er það vilji okkar að svo verði.?“
„Við vitum af þessari umræðu en höfum ekki fengið bein viðbrögð við skýrslunni til okkar, nema þá frá fólki sem við hittum á förnum vegi,“ segir Óskar Hafsteinn Óskarsson, formaður skólanefndar Snæfellsbæjar.
„Það kemur okkur ekki á óvart þótt skoðanir séu skiptar. Annað hefði verið óeðlilegt þar sem þetta er mikilvægt og viðkvæmt mál. Við í nefndinni erum hinsvegar ófeimin við að ræða þessar tillögur hvar og hvenær sem er enda tel ég opnar og málefnalegar umræður af hinu góða. Við gerum okkur grein fyrir að þessar hugmyndir eru umdeilanlegar en við lítum þannig á að kostirnir vegi þyngra en gallarnir.“
Óskar kveðst búast við því að sú niðurstaða sem þar til skipuð nefnd komist að verði niðurstaða bæjarstjórnar. Hann segir að búast megi við að vinnu nefndarinnar ljúki í nóvember.
Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is