Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. nóvember. 2003 08:21

Fimm þúsund einstaklingar í bílslysi

Fimm þúsund þrjúhundruð nítíu og einn einstaklingur lentu í bílslysi við Svartagil í Norðurárdal um tíu leytið á sunnudagskvöld. Þar af voru 5390 kjúklingar á leið til slátrunar og tæplega tíu þeirra létu lífið í bílveltunni. Ökumann flutningabifreiðarinnar sem flutti kjúklingana seinheppnu sakaði hinsvegar ekki.
Tildrög slyssins voru þau að tvær stórar flutningabifreiðar voru að flytja um 11.000 kjúklinga frá kjúklingabúinu á Svartagili til slátrunar á Hellu. Vegurinn að Svartagili er hinsvegar ekki í góðu standi til að bera þungaflutninga og meðal annars eru á honum tvær þröngar brýr. Fyrri bíllinn komst klakklaust yfir báðar brýrnar en hinn þurfti að mæta fólksbifreið. Að sögn lögreglunnar í Borgarnesi vék bílstjórinn vel þannig að tengivagn bifreiðarinnar lenti utarlega í kantinum sem gaf sig með þeim afleiðingum að vagninn valt og sneri um leið upp á bifreiðina þannig að hún var á lofti að hluta til. Við slynkinn opnast allar hurðir á flutningavagninum og út streyma kjúklingabúr. Hluti búranna opnaðist og töluverður fjöldi af kjúklingum lék því lausum hala um móann við Svartagil.
Björgunarsveitarmenn frá Heiðari í Norðurárdal og Brák í Borgarnesi komu til aðstoðar og voru fram eftir nóttu að elta kjúklinga og ferja búr í aðra bifreið sem sá um að flytja eftirlifandi kjúklinga á áfangastað en þeir sem sluppu lifandi frá bílveltunni enduðu ævi sína skömmu síðar í sláturhúsinu á Hellu eins og reyndar stóð til í upphafi.
Að sögn lögreglu gekk þokkalega að ná kjúklingunum enda fóru þeir ekki langt frá flutningabifreiðinni en strekkingsvindur var á staðnum og kjúklingarnir héldu sig í skjóli við bifreiðina.
Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is