Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
21. júní. 2013 11:38

Sól og blíða heilsar þúsundum gesta á Norðurálsmóti

Metþátttaka er á Norðurálsmótinu í knattspyrnu sem hófst nú klukkan 11 á Akranesi og stendur yfir fram á sunnudag. Mótið er fyrir unga knattspyrnumenn í 7. flokki, 6-8 ára, og er líklega það stærsta fyrir þennan aldurshóp sem haldið er á landinu. Að sögn Þórðar Guðjónssonar framkvæmdastjóra Knattspyrnufélags ÍA er ljóst að metfjöldi félaga tekur þátt að þessu sinni, þau eru nú 28 í stað 27 mest áður. Keppnisliðin eru 144 og er það hámarksfjöldi þriðja árið í röð. Keppt verður á 18 völlum samtímis og leiknir alls 576 leikir á mótinu. Knattspyrnumennirnir eru 1.240 sem skráðir eru til leiks. Gert er ráð fyrir að 7000-8000 manns leggi leið sína á Jaðarsbakkasvæðið nú um helgina og er því um ríflega tvöföldun á íbúatölu að ræða. Á meðfylgjandi mynd eru heimamenn í broddi fylkingar í skrúðgöngunni frá Ráðhússplaninu áleiðis upp á Jaðarsbakka þar sem mótssetning fer nú fram í Akraneshöllinni.

Keppni hefst síðan nú um hádegisbilið. Að lokinni keppni í dag er liðunum skipt í deildir sem bera nöfn allra helstu keppnisdeilda í Evrópu. Úrslitaleikir fara fram á sunnudagsmorgni og lýkur mótinu að þeim loknum með grillveislu og afhendingu viðurkenninga og verðlauna.

 

Þórður Guðjónsson segir Norðurálsmótið skemmtilegasta verkefnið sem knattspyrnuforystan á Akranesi vinni að af mörgum skemmtilegum. Að undirbúningi koma 30-40 manns og fjöldi sjálfboðaliða við framkvæmd mótsins er varlega áætlaður 600-700. Aðstaða til mótshalds er mjög góð á Skaganum. Leikjaland er á mótssvæðinu á Jaðarsbökkum og tengir við Langasandinn sem alltaf er vinsæll hjá börnunum. Síðan er líka tenging Garðalundar við tjaldsvæði mótsgesta á Safnasvæðinu, með leiksvæði og afþreyingu í skógræktinni.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is