Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. apríl. 2004 08:05

Svívirðileg móðgun og lögbrot

Skólafélag Landbúnaðarháskólans á Hvanneyri hefur óskað eftir fundi með landbúnaðarnefnd Alþingis til að ræða um frumvarp til laga um breytingu á lögum um búnaðarfræðslu nr. 57/1999. Frumvarpið fjallar m.a. um stofnun Landbúnaðarháskóla Íslands sem komi í stað Landbúnaðarháskólans á Hvanneyri og Rannsóknarstofnunar landbúnaðarins.
Nemendur eru mjög ósáttir við að ekki skuli vera rætt við þá varðandi fyrirhugaðar breytingar. Einkum er óánægja með breytta samsetningu háskólaráðs en samvkæmt þingsályktunartillögunni er ekki gert ráð fyrir fulltrúa frá nemendum í háskólaráði Landbúnaðarháskóla Íslands.
Á aðalfundi Skólafélags Landbúnaðarháskólans á Hvanneyri sem haldinn var í gærkvöldi var samþykkt ályktun þar sem segir m.a. „Þessi ráðstöfun, að ætla nemendum ekki fulltrúa í háskólaráð er svívirðileg móðgun við þá lýðræðishugsun sem hefur hingað til einkennt háskóla í landinu og jafnframt víðast hvar í heiminum. Sjá t.d. Bologna samþykktina frá 1999, þar sem menntamálaráðherrar Evrópu áréttuðu mikilvægi sjálfstæðis og sjálfræðis meðal menntastofnana.
Sú ætlan að skipa hvorki fulltrúa nemenda né kennara í háskólaráð mun birtast í því að ráðið getur ekki fjallað um málefni sem snúa beint að innra starfi stofnunarinnar því þekkingu á því mun skorta. Eins er með þessari ráðstöfun stórlega skertir þeir möguleikar nemenda að leita réttar síns ef þeir geta aldrei skotið málum sínum til háskólaráðs nema þá aðeins með því að leita á náðir annarra fulltrúa.
Síðan má benda á að hér er vísvitandi verið að brjóta gegn lögum um háskóla nr. 136/1997. Sú spurning vaknar hvort hér sé um stefnubreytingu að ræða hjá ríkisvaldinu gagnvart nemendalýðræði í háskólum landsins og hvort þær kröfur sem gerðar eru til hins akademíska náms við Landbúnaðarháskóla Íslands séu aðrar en hjá öðrum ríkisháskólum. Ef þetta er raunverulegur vilji Landbúnaðarráðuneytisins og þingmanna þá er spurning hvort landbúnaðarfræðslu sé ekki betur borgið innan menntamálaráðuneytis þar sem menn hafa meiri skilning á starfsemi menntastofnana.
Að lokum finnst nemendum LBH það gróf móðgun að þingmenn skuli telja nemendur Háskóla Íslands sem sitja í háskólaráði síns skóla hæfari til að velja fulltrúa í háskólaráð Landbúnaðarháskóla Íslands.“
Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is