Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. júní. 2004 12:57

Minnisvarði eftir Sigurð Guðmundsson afhjúpaður í Ólafsvík

Á sjómannadaginn næsta, 6. júní, verður vígður minningarreitur við kirkjugarðinn í Ólafsvík og afhjúpaður minnisvarði eftir Sigurð Guðmundsson listamann. Vígsluathöfnina annast sr. Sigurður Sigurðarson, vígslubiskup, og sr. Óskar Hafsteinn Óskarsson, sóknarprestur í Ólafsvík. Ávörp flytja, Baldvin Leifur Ívarsson, formaður sóknarnefndar, og Sigurður Guðmundsson sem einnig mun afhjúpa minnisvarðann. Kirkjukór Ólafsvíkur leiðir söng.
Minnisvarðinn er uppreistur granítsteinn og stendur sem sjálfstætt listaverk en er jafnframt minnisvarði um horfið fólk. Á minnisvarðanum er stórt gat og tvö hálfgöt, þannig er eins og steininn vanti eitthvað, að það hafi verið tekinn úr honum stykki sem eiga heima í honum. Samlíkingu við þessa vöntun finnur listamaðurinn í söknuði þess fólks sem notar minnisvarðann til að minnast horfinna ástvina. Við minnisvarðann eru minningarsteinar sem ætlaðir sjómönnum sem farist hafa á sjó úti og þeim sem hafa týnst og aldrei fundist. Minnisvarðinn hæfir einstaklega vel aðstæðum við kirkjugarðinn í Ólafsvík sem stendur við opinn Breiðafjörðinn.
Sóknarnefnd Ólafsvíkurkirkju ákvað að hefja undirbúning að gerð minningarreits við kirkjugarðinn í Ólafsvík í kjölfar sjóslyssins hörmulega 7. desember 2001 þegar Svanborg SH fórst við Svörtuloft á Snæfellsnesi og með henni þrír menn. Minningarsteinn með nöfnum þeirra verður einnig afhjúpaður við vígsluathöfnina nú á sjómannadaginn.
Ljóst er að minningarreiturinn verður bæjarprýði og þangað munu margir sækja í framtíðinni. Sóknarnefnd Ólafsvíkurkirkju hefur haft umsjón með framkvæmdinni og fengið til liðs við sig fjölda velunnara. Með góðum stuðningi margra er minningarreiturinn loks að verða að veruleika og því verður sjómannadagurinn næsti mikill hátíðisdagur í Ólafsvík. Vígsluathöfnin hefst kl. 14.
Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is