Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. ágúst. 2004 08:16

Skipulagt frístundahverfi í Galtarholti 2

Á Vesturlandi eru nú vel á þriðja þúsund sumar- og heilsárshús og eru flest þeirra í Borgarfirði, beggja megin Hvítár, og vesturum á Mýrar. Nokkuð framboð lóða er nú í héraðinu á nokkrum tugum jarða og ljóst að enn bætist við framboðið á næstu misserum.
Nú er í lokavinnslu gerð nýs deiliskipulags fyrir jörðina Galtarholt 2 í Borgarbyggð. Um er að ræða 274 ha lands sem afmarkast af þjóðvegi 1 og Galtarholti 1 að suðaustan, Laxholti að vestan og norðan og Litlu Gröf að norðan/norðaustan. Landið er í eigu fyrirtækisins Stafna á milli ehf. sem keypti jörðina fyrir nokkru og fékk í kjölfar þess Landlínur ehf í Borgarnesi til að skipuleggja jörðina með tilliti til væntanlegrar uppbyggingar frístundabyggðar. Gert er ráð fyrir að á landinu verði allt að 165 frístundahús, 3 íbúðarhús, þjónustubyggingar, 16 smáhýsi og tjaldstæði. Lóðirnar verða 0,4 til 0,8 ha að flatarmáli og flestar staðsettar í kjarrivöxnu landi og utan í grónum holtum.
Að sögn Þorgeirs Jósefssonar framkvæmdastjóra Stafna á milli, er gert ráð fyrir að lóðirnar fari á markað í vetur. “Við munum byrja á að bjóða út efnisvinnslu og vegalagningu um svæðið en munum auglýsa lóðirnar þegar skipulagið hefur verið auglýst og það endanlega samþykkt af skipulagsyfirvöldum,” segir Þorgeir. Á svæðinu er gert ráð fyrir öllum helstu þægindum sem í boði eru víða í nýlegum frístundahverfum, þ.e. heitt og kalt vatn, rafmagn og þráðlaust netsamband svo eitthvað sé nefnt.
Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is