Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. september. 2004 12:02

Þegar búið að ná veltu síðustu árs

“Verkefni Loftorku Borganesi ehf. hafa aldrei verið svo viðamikil og fjölbreytt sem nú og á það jafnt við um húsaeininga- og röraframleiðslu fyrirtækisins,” segir Andrés Konráðsson framkvæmdastjóri í samtali við Skessuhorn. Velta og starfsmannafjöldi hefur aukist umtalsvert á liðnum misserum og ekki er útlit fyrir annað en verkefnum fjölgi enn, segir hann og bætir við að velta hafi aukist svo mjög að í nýliðnum mánuði hafi hún náð veltu alls sl. árs.
Meðal nýlegra verkefna hjá fyrirtækinu má nefna að verið er að ljúka við reisingu viðbyggingar við svínasláturhúsið í Saltvík á Kjalarnesi, framleiðslu húseininga í 80 íbúða blokk á Landssímalóðinni í Grafarvogi er að ljúka, einingar við hraunklædda viðbyggingu í Straumsvík eru að rísa og verið er að hefja framkvæmdir við rannsóknahús og 51 íbúð á Bifröst. Síðastliðinn mánudag voru áfangaskil í stóru verki í Grundarfirði þegar Fjölbrautaskóli Snæfellinga var settur í fyrsta skipti í hluta nýja skólahússins sem byggt er úr einingum frá Loftorku ehf.
Fyrirtækið er nú búið að gera samninga um sölu 400-500 eininga í undirstöður undir möstur og staghellur í Sultartangalínu. Verkið er nokkuð viðamikið en þessar einingar verða afhentar til flutnings á hálendið í Hvalfjarðarbotni og að hluta til í Grafningi.
“Mikil framleiðsla og sala hefur verið í holræsarörum og ýmsum tengimannvirkjum í sumar og er unnið á vöktum við steypuvinnu til að hafa við pöntunum. Auk þessara verkefna segir Andrés að verið sé að vinna að gerð nokkurra stærri verksamninga sem geri það að verkum að í fyrirsjáanlegri framtíð verði næg verkefni hjá fyrirtækinu,” sagði Andrés að lokum. Nú eru 107 starfmenn hjá fyrirtækinu.
Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is