Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. september. 2004 12:05

LEIÐRÉTTING: Lagnir frá vatnsbóli við Akrafjall endurnýjaðar

Vegna mistaka í vinnslu Skessuhorns í þessari viku var birt röng útgáfa af umfjöllun um framkvæmdir OR við neysluvatnslagnir á Akranesi. Í þeirri frétt, sem upphaflega var unnin sem uppkast blaðamanns, var farið rangt með grundvallarstaðreyndir m.a. varðandi neysluvatnslögn frá Reykjavík til Akraness, dýpt Faxaflóa og fleira. Yfirlesið og leiðrétt eintak af fréttinni barst hinsvegar ekki rétta boðleið í umbrot blaðsins. Skessuhorn biður hlutaðeigandi velvirðingar á þessum mistöku. Rétt útgáfa af fréttinni birtist nú hér á vefnum og jafnframt í Skessuhorni sem kemur út miðvikudaginn 6. október nk.

Lagnir frá vatnsbóli við Akrafjall endurnýjaðar

Í sumar hefur Orkuveita Reykjavíkur staðið fyrir umfangsmiklum endurbótum á vatnsveitukerfi Akurnesinga með endurnýjun aðveitulagnar frá vatnsbólinu við Akrafjall og niður að Garðagrund. Lögning sem verið er að endurnýja núna er 12” asbestslögn sem lögð var árið 1954 en nýja lögnin er samansett úr 400 mm plaströrum, enda plast það efni sem tekið hefur við af asbestinu og er alltaf notað þegar bót og endurnýjun á kerfinu á sér stað. Nýja lögnin er um 4 km á lengd, nær frá Akrafjalli niður á Garðagrund eins og fyrr segir og segir Gissur Þór Ágústson, svæðisstjóri dreifingar OR á Akranesi, að löngu hafi verið orðið tímabært að ráðast í framkvæmdina. „Samsetning gömlu lagnarinnar var orðinn léleg og bilanatíðni allt of há. Auk þess var veitan að tapa vatni þar sem það lak út á samsetningum röranna en það er eitthvað sem við megum helst ekki við. Allra síst í þurrkatíð eins og var í sumar.“
Umfangsmilar endurbætur á vatnsveitunni síðustu ár

„Síðustu fjögur árin hefur mikið verið unnið í því að bæta vatnsveituna, enda er vatnsnotkun alltaf að aukast. Árið 2000 hófst mikil uppbygging á vatnsveitunni, þá létum við þrýstigreina vatnsveitukerfið en þar kom í ljós hvar voru brotalamir í kerfini og dreifikerfið var styrkt samkvæmt þeim niðurstöðum, en um þrýstigreininguna sá verkfræðistofan Fjarhitun. Heimæðalagnir á Neðri Skaga voru endurbættar í þessu átaki og er búið að endurnýja yfir 300 heimæðar á þessum fjórum árum. Stærsta verkefni okkar í því að auka flutningsgetu í dreifikerinu var að setja niður mælabrunn á horni Kirkjubrautar og Merkigerðis og leggja frá honum 300 mm plastlögn sem liggur niður í Hafnarbraut en þetta var gert til að auka flutningsgetu á Neðri Skagann, einnig höfum við endurnýjað dreifikerfi og heimæðar í mörgum götum á Neðri Skaganum samhliða endurnýjun gatnakerfisins. Með þessum hætti hefur okkur tekist að auka þrýstinginn í dreifikerfinu úr 2,1 – 2,2 kg árið 2000 í um 3,7 – 4,5 kg, og magnið sem við erum að missa úr úr rörunum hefur minnkað úr um 40 l/á sek í 10 um l/á sek sem er vel ásættanlegt, en vatnsveitukerfið á Akranesi er um 85 km langt segir Gissur. Fyrir nokkrum árum var það algengt að fólk á Neðri Skaganum kvartaði yfir lélegu rennsli á neysluvatninu en í dag kemur það vart fyrir að yfir þessu sé kvartað.

Vatn sjóleiðina frá Reykjavík.

Þó framkvæmdin sé vissulega kostnaðarsöm og flókin segir Gissur það hafi verið orðið aðkallandi að hefjast handa því þörfin á neysluvatni á Akranesi sé sífellt að aukast og krafan um afhendingaröryggi frá viðskiptavinum einnig. „Þegar verið var að taka ákvörðun um þessa framkvæmd fengum við verfkræðistofuna Hönnun ehf. til þess að kanna fyrir okkur ýmsa möguleika í stöðunni,“ segir Gissur. „Niðurstaðan varð sú að að álitlegur kostur væri að sækja vatn sjóleiðina til Reykjavíkur þar sem leiðin er ekki ýkja löng eða um 17 kílómetrar, og dýpið mest um 35 metrar. Í Reykjavík er nóg af góðu vatni til að þjóna íbúum á Akranesi, hins vegar væri nauðsynlegt að hafa vatnsból hér ef sú lögn myndi bila og aðstæður væru þannig að ekki væri unnt að komast strax í viðgerð. Þess vegna var þessi leið farin nú og með því hefur rekstaröryggi veitunnar stóraukist. Með endurnýjun á núverandi vatnsbóli og aðveitulögn teljum við að það geti annað Akranesi næstu 15-20 árin miða við þá byggðarþróun sem spá er, þannig að ný sjólögn til Reykjavíkur er ekki á dagskrá næstu árin að minnsta kosti.

Vatni hleypt á nýju lögnina 9. október

Verkið var boðið í út í tveimur hlutum. Seinni áfangann, frá Akrafjalli niður að Geislahúsi við golfvöllinn annaðist verktakinn B&B, en Vélaleiga Halldórs Sigurðssonar hafði umsjón með fyrri áfanganum frá Geislahúsi að Garðagrund. Undirverktaki í plastsuðu var Jón Bjarni Gíslason hjá Eðallögnum. Stefnt er að því að frakvæmdum ljúki endanlega og vatni verði hleypt á nýju lögnina aðfararnótt 9 . október, þegar dagsetning liggur fyrir verður sent út dreifibréf til allara bæjarbúa þar sem málið verður kynnt. Gissur bendir á að jafnvel þó svo að unnið verði að því að tengja kerfið að nóttu til, þegar álagið á kerfið er hvað minnst en þá verður neysluvatni dælt úr vatnstank vatnsveitunnar sem staðsettur er á Breiðinni, verði varla hjá því komist að vatnsskorts verði vart einhvern tíma á meðan skipt verður á milli gömlu lagnarinnar og þeirrar nýju, og vonast hann eftir því að bæjarbúar sýni því skilning.
Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is