Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. október. 2004 09:28

Félag gigtarsjúklinga stofnað á Vesturlandi

Stofnfundur Vesturlandsdeildar Giktarfélags Íslands var haldin í Borgarnesi þann 18. september síðastliðinn. Góð mæting var á fundinn og var fullt út úr dyrum. Jón Atli Árnason, giktarsérfræðingur á Akranesi og Jósep Blöndal sjúkrahússlæknir i Stykkishólmi fluttu erindu og urðu nokkrar umræður að þeim loknum. Stjórn var kosin á fundinum og er stefnt að aðalfundi í mars eða apríl í vor. Stjórnin hefur nú skipt með sér verkum og er Jóhanna Leópoldsdóttir Akranesi, formaður, Steinunn Friðriksdóttir Borgarnesi ritari, Jónína Ingólfsdóttir Akranesi gjaldkeri og meðstjórnendur eru Pétur V. Jónson, Sveinsstöðum og Sigrún V. Elíasdóttir Borgarnesi.
Að sögn Jóhönnu er stefnt að því á næstu mánuðum að halda nokkra fræðslu- og kynningarfundi, þann fyrsta í Borgarnesi í nóvember. Síðar verða haldnir fundir í Snæfellsbæ, Stykkishólmi eða Grundarfirði, Búðardal og á Akranesi. Jóhanna býst við að það muni taka nokkurn tíma að byggja upp starf á svo stóru svæði sem Vesturland er, en því fleiri sem taki þátt, þeim mun betur muni ganga.
Jóhanna sagði í samtali við Skessuhorn að því miður fái allt of margir giktarsjúkdóma og flestir þurfa að breyta lífi sínu mikið og læra að takast á við lífið við svo breytta getu. “Sjúkdómurinn er í fæstum tilfellum sýnilegur og því búa margir við lítinn skilning samferðafólks. Með fræðslu, aukinni þekkingu og stuðningi annarra með svipaða sjúkdóma má oftast létta aðlögun og líf fólks,” segir Jóhanna. Hún vonast til að starfið geti farið farsællega af stað og giktarfólk geti stutt hvert annað í þeirri glímu sem óhjákvæmilega fylgir langvinnum sjúkdómi.
Þeir sem vilja ganga í Giktarfélagið er bent á að hafa samband við skrifstofu þess í Reykjavík. Heimilisfangið er Ármúli 5 108 Reykjavík og netfang: gigt@gigt.is, sími 530-3600.
Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is