Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. október. 2004 08:25

Járnhausinn frumsýndur á morgun

Á morgun, laugardaginn 30. október, frumsýnir Skagaleikflokkurinn Járnhausinn eftir bræðurna Jónas og Jón Múla Árnasyni í Bíóhöllinni á Akranesi. Leikhópurinn á þrjátíu ára afmæli um þessar mundir og af því tilefni er mikið lagt upp úr því að sýningin verði í senn vegleg og glæsileg. Leikstjóri er Helga Braga Jónsdóttir, tónlistarstjóri Flosa Einarsson og danshöfundur Jóhanna Árnadóttir. Sýningin er mannmörg en um tuttugu og fimm manns, ungt fólk sem er að stíga sín fyrstu spor á leiksviðinu í bland við gamla refi í lykilhlutverkum, auk þeirra sem starfa baksviðs og koma að uppsetningunni.
Járnhausinn er gamansamur söngleikur með alvarlegan undirtón og mörg laganna sem í verkinu er að finna eru löngu orðin að sígildum perlum í íslenskri dægurtónlist. Nægir þar að nefna lögin Aukavinnan og Án þín. “Þetta er ádeila á stóriðju og það að selja landið með skammtímasjónarmið og græðgi í huga,” segir Helga Braga leikstjóri. Inn í þau átök fléttast svo alls konar ástarflækjur, upploginn miðilsfundur og sjálfur Járnhausinn. Uppsetningin er ekki á mjög raunsæjum nótum og leikstjórinn staðsetur það hvorki í tíma né rúmi. “Þetta er í dálítið ævintýralegum gír hjá okkur, gerist bara á tíma verksins í sjávarplássinu Hvalvík sem gæti í raun verið hvar sem er. Við leggjum áherslu á gamanleikinn, án þess að fara út í einhvern farsa enda er verkið ekki skrifað sem slíkt, en allur leikur er skýr og opinn og skemmtilegur.”
Helga Braga segir æfingar hafa gengið mjög vel, enda hópurinn sem að verkefninu stendur samheldinn og sterkur. “Ég er ekki í nokkrum vafa um að tekist hefur að búa til veglega og umfram allt skemmtilega sýningu sem enginn verður svikinn af.” Sex til átta sýningar eru áætlaðar á Járnhausnum og sýningar verða í Bíóhöllinni eins og áður segir.
Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is