Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. júní. 2013 11:00

Enn eitt tapið hjá Skagamönnum

Enn og aftur fóru leikmenn ÍA og stuðningsmenn svekktir af velli eftir tap á heimavelli í sumar. Það voru Keflvíkingar sem komu í heimsókn í Pepsídeildinni í gærkvöldi. Suðurnesjamenn báru sigur úr bítum í hörkuleik 3:2. Bæði lið skörtuðu nýjum þjálfurum í leiknum, Kristján Guðmundsson hjá Keflavík og Þorvaldur Örlygsson hjá ÍA. Að loknum þessum leik og áttundu umferð er Keflavík í 8. sætinu með sjö stig en Skaginn eru sem fyrr með aðeins þrjú stig í 10. sæti. Athyglisvert er að Skagamenn eru þó ekki í fallsæti og hafa aldrei verið þetta vorið. Fylkir er með tvö stig og Víkingur Ólafsvík með eitt. Þessi staða gæti breyst í næstu umferð, því þá sækja Skagamenn Ólafsvíkinga heim og verður sá leikur sýndur í beinni útsendingu á Stöð 2 Sport.

Þorvaldur gerði þær breytingar á liði Skagamanna að Andri Geir Alexandersson kom í miðja vörnina með Kára Ársælssyni og Jóhannes Karl var færður fram á miðjuna ásamt Jóni Vilhelm fyrir aftan fremsta sóknarmanninn Ármann Smára Björnsson. Skagamenn byrjuðu ágætlega í leiknum og sóttu fyrstu mínúturnar. Það var hins vegar eins og blaut tuska framan í Akurnesinga þegar gestirnir skoruðu á 13. og 16. mínútu, fyrst Hörður Sveinsson og síðan Arnór Ingvi Traustason. Rammur rangstöðufnykur var af fyrsta markinu en í báðum tilföllum var vörn ÍA illa á verði. Skagamenn náðu að sýna karakter og rífa sig upp eftir mörkin og voru í heild að skapa mun meira í sókninni en jafnvel í öllum deildarleikjum sumarsins fram til þessa. Þeim batamerkjum ber að fagna. Eftir nokkrar góðar sóknir tókst þeim að minnka muninn á 25. mínútu, en í sömu sókninni hitti Ármann Smári boltann illa í dauðafæri en skoraði síðan með skoti úr teignum eftir skallasendingu frá Jóni Vilhelm Ákasyni. ÍA var eftir þetta betra liðið á vellinum en staðan breyttist ekki til leikhlés, þá var hún 2:1 fyrir Keflavík.

 

Skagamenn byrjuðu síðan seinni hálfleikinn vel og á 51. mínútu kom eitt fallegasta mark sumarsins. Jóhannes Karl Guðjónsson tók þá aukaspyrnu af 25 metra færi og boltinn söng upp í þaknetinu hægra megin við markvörð Keflvíkinga. Áfram voru svo Skagamenn betri og gerðu harða atlögu að marki Keflvíkinga, m.a. komst gamla brýnið Dean Martin í algert dauðafæri, en varnarmanni Keflvíkinga tókst að bjarga á síðustu stundu. Þetta gerðist skömmu áður en Keflvíkingar komu meira inn í leikinn og þeir voru betri aðilinn síðasta korterið í leiknum. Aftur sofnaði vörn Skagamanna á verðinum á 84. mínútu þegar Magnús Þór Magnússon skoraði sigurmark Keflvíkinga með skalla úr markteignum eftir hornspyrnu. Skagamenn gerðu allt hvað þeir gátu til að jafna en Keflvíkingar fóru sigurreifir af velli, eftir þennan 3:2 sigur.

 

Þorvaldur Örlygsson og hans menn í stjórn Skagaliðsins þurfa nú að stappa stálinu í mannskapinn og bæta það sem aflaga fór í þessum leik áður en haldið verður til Ólafsvíkur á sunnudaginn.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is