Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. september. 2004 07:55

Málþing um miðlun fornminja

Í dag, föstudaginn 10. september kl. 13:00-17:00 verður haldið málþing um miðlun fornminja í Reykholti í Borgarfirði. Að málþinginu standa Snorrastofa, Fornleifavernd ríkisins, Þjóðminjasafn Íslands og Háskólinn á Hólum. Tilgangur málþingsins er að stefna saman fulltrúum hérlendra stofnana sem fást við miðlun menningarminja, og þá einkum fornleifa, en mikil gróska hefur verið i fornleifarannsóknum hin síðari ár.
Markmiðið er að skapa umræðu um aðferðafræði og nálgun slíkra verkefna og verður miðlun skoðuð út frá ýmsum sjónarhornum. Reynt verður að svara spurningum eins og: Hvaða aðferðir eru hentugastar við varðveislu fornleifa þar sem markmiðið er jafnframt að hafa þær sýnilegar? Hvernig má varðveita hið upprunalega hlutverk muna/minja um leið og þær eru settar í nýtt samhengi til að auðvelda gestum að sjá fyrir sér notkun þeirra og sögu? Stjórnendur fornleifarannsókna á Hólum, Skriðuklaustri og Reykholti munu skýra frá aðferðum og umfangi miðlunar rannsókna á hverjum stað fyrir sig, en allir hafa þessir staðir hlutverki að gegna í kirkjulegu samhengi. Allar tengjast rannsóknirnar íslenskri kirkjusögu og þróun þessara staða allt frá miðöldum. Einnig munu taka til máls fulltrúar frá stofnunum á sviði minjavörslu, ferðamálafræða og fyrirtækis á sviði miðlunar.

Vonast er eftir virkri þátttöku gesta í umræðum um miðlun fornminja, einkum á þeim stöðum þar sem mikil aðsókn ferðamanna hefur afgerandi áhrif á vinnuaðstæður þeirra sem stunda slíkar rannsóknir. Eru til dæmis samræmdar vinnureglur um miðlun fornleifarannsókna hérlendis æskilegar? Ennfremur, eru slíkar vinnureglur mögulegar vegna sérstöðu hvers staðar fyrir sig? Hafa rannsóknir yfir nægilega miklu fjármagni að ráða fyrir miðlun? Þessum spurningum og fleirum verður reynt að svara á málþinginu næstkomandi föstudag.

Málþingið verður haldið í Skólahúsinu í Reykholti og er öllum opið.
Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is