Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. október. 2004 01:24

Húsasmiðjan kaupir KB Byggingavörur

Undirritaður hefur verið samningur um kaup Húsasmiðjunnar hf. á rekstri KB byggingavara í Borgarnesi og er stefnt að því að afhending rekstrarins fari fram nú um miðjan október. Í kjölfarið mun Húsasmiðjan breyta verslun KB í Borgarnesi í Húsasmiðjuverslun “með stórauknu vöruúrvali og fjölbreyttri þjónustu en Húsasmiðjan hefur á boðstólum yfir 80 þúsund vörutegundir í verslunum sínum,” eins og segir í tilkynningu frá fyrirtækinu. KB hefur um áratugaskeið rekið byggingavöruverslun í Borgarnesi en hættir nú þeirri starfsemi. KB mun hins vegar áfram reka búrekstrarvörudeild með sama sniði og verið hefur.
Húsasmiðjuverslunin verður staðsett í verslunarhúsnæði KB Byggingavara, sem er nýtt og glæsilegt 2000 fm. hús við Egilsholt í Borgarnesi. Að auki fylgir versluninni mikið útisvæði sem Húsasmiðjan hyggst nýta til að auka vöruframboð í timbri og annarri þungavöru með þarfir t.d. verktaka, fagmanna og sumarbústaðaeigenda í huga.
Árni Hauksson er forstjóri Húsasmiðjunnar. Hann sagði í samtali við Skessuhorn að fyrirtækið muni hafa sama vöruverð í Húsasmiðjuversluninni í Borgarnesi eins og í öllum öðrum verslunum Húsasmiðjunnar um landið. “Við leggjum áherslu á að veita framúrskarandi þjónustu og verður nýja verslunin í Borgarnesi þar engin undantekning. Einnig höfum við samið við átta núverandi starfsmenn KB byggingavara um áframhaldandi störf þeirra en um er að ræða ágæta fagmenn sem eru reiðubúnir að veita áfram ráðgjöf við val á byggingarefni og meðferð þess. Rekstrarstjóri verslunarinnar verður líkt og undanfarin ár Valdimar Björgvinsson.”
Árni segir að Húsasmiðjan hafi lengi haft augastað á Borgarnesi. “Við teljum Borgarfjarðarsvæðið vera í mikilli sókn og eygjum því mikil tækifæri á svæðinu. Einnig leggjum við mikla áherslu á að tilkoma Húsasmiðjuverslunar verði unnin í sátt og samlindi við íbúa og hagsmunaaðila í Borgarnesi og nágrenni,” sagði Árni Hauksson.
Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is