Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. júní. 2013 10:16

Samningar undirritaðir um tilraunaverkefni til að hækka menntunarstig

Í gær undirrituðu Illugi Gunnarsson menntamálaráðherra og Vilhjálmur Egilsson rektor Háskólans á Bifröst samning um tilraunaverkefni um hækkað menntunarstig í Norðvesturkjördæmi. Skessuhorn greindi frá verkefninu fyrr í mánuðinum en það er liður í átaki stjórnvalda og hagsmunasamtaka vinnumarkaðarins að hækka menntunarstig í íslensku atvinnulífi. Meginmarkmið samningsins er að kanna þörf fyrir menntun meðal einstaklinga og fyrirtækja í kjördæminu, stuðla að auknu samstarfi fræðsluaðila, kanna þörf fyrir námsstyrki og þróa aðferðir við mat á fyrra námi og reynslu inn í hið hefðbundna skólakerfi. Háskólinn á Bifröst mun annast umsýslu um verkefnið en því stjórnar sérstök verkefnisstjórn sem Vilhjálmur Egilsson veitir forstöðu. Í verkefnisstjórn sitja fulltrúar atvinnulífs, stéttarfélaga, sveitarfélaga og skóla- og fræðslustofnana í Norðvesturkjördæmi.

Átakið er eitt af nokkrum verkefnum sem sett voru af stað í framhaldi af kjarasamningum aðila vinnumarkaðarins í maí 2011. Auk Norðvesturkjördæmis fer átakið fram í Breiðholti í Reykjavík.

 

Vinna er hafin

Næstu skref í verkefninu er að gera viðamiklar kannanir á þörf og eftirspurn eftir námi hjá fyrirtækjum, stofnunum og einstaklingum. Annars vegar verða gerðar hefðbundnar formlegar kannanir og hins vegar er leitað beint til stjórnenda og starfsfólks fyrirtækja og stofnana í kjördæminu. Unnið verður að gerð kannana fram í ágúst og er nú þegar byrjað að hafa samband við þátttakendur. Á vegum verkefnisins hefur verið ráðið fólk til þess að sjá um framkvæmdina, taka viðtöl og vinna úr þeim. Verkefnisstjóri er Geirlaug Jóhannsdóttir en aðrir starfsmenn eru Birna Gunnlaugsdóttir, Daníel Glad Sigurðsson, Helga Björk Bjarnadóttir og Hrafnhildur Árnadóttir. Áætlað er að niðurstöður verði kynntar á sérstakri ráðstefnu sem áætlað er að verði haldin í nóvember.

 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is