Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. júní. 2013 08:01

Sumarið farið vel af stað á Kaffi Prímus

Þeir Sveinn Haukur Valdimarsson og Ægir Snær Sigmarsson hafa tekið við rekstri Kaffi Prímuss á Hellnum, sem opnað var í byrjun júní, en þeir eru báðir úr Reykjavík. „Við komum hingað til að taka skurkinn í sumar eftir að eigandinn bað mig um að reka þetta fyrir sig. Við erum með einfalt kaffihús og bjóðum upp á kökur, vöfflur, súpur, samlokur og pylsur. Þetta er í raun blanda af kaffihúsi og sjoppu,“ segir Sveinn. Aðspurður hvernig sumarið fari af stað svarar hann: „Það hefur verið góður reytingur. Mér skilst að það eigi að aukast mikið í næsta mánuði, en það byrjar mjög vel og allt gengið snurðulaust fyrir sig. Þegar veðrið er svona gott þá koma að vísu færri hérna inn, það er betra fyrir okkur að hafa rigningu og grátt yfir því þá kemur mannskapurinn í súpuna og kaffið,“ segir Sveinn. Hann og Ægir félagi hans vinna einir á Kaffi Prímus í sumar. „Þetta er bara vertíð og mann munar ekki um að vaka eina slíka,“ segir Sveinn.

Kaffi Prímus er í sama húsi og Gestastofa Þjóðgarðsins Snæfellsjökuls. „Það er komið á mörgum rútum til okkar og fólkið sem gengur frá Arnarstapa hingað yfir dettur inn til okkar og á Gestastofuna eftir góðan göngutúr. Núna höfum við fengið mikið af fólki frá Kanada til okkar og Þjóðverjarnir eru alltaf margir,“ segir Sveinn. Ekki væsir um þá félaga við rætur Snæfellsjökuls. „Jökullinn er aðal aðdráttaraflið og flestir ferðamenn koma til að sjá hann,“ segir Sveinn og við það bætir Ægir: „Svo batnar heilsan vegna kraftsins frá jöklinum og þess vegna er mjög gott að vera á Snæfellsnesi.“

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is