Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. október. 2004 02:40

Borgnesingar höfðu betur í Vesturlandsslag

Það var troðfullt hús og rífandi stemning þegar Skallagrímur og Snæfell áttust við í Íþróttahúsinu í Borgarnesi í gærkvöldi í sannkölluðum Vesturlandsslag í körfuboltanum. Bæði þessi lið hafa lengi haldið úti liði meðal þeirra bestu í úrvalsdeildinni. Bæði lið hafa hinsvegar upplifað sveiflur og sjaldan, ef nokkurntímann, hefur sú staða verið uppi að Skallagrímur og Snæfell hafi bæði verið í toppbaráttunni líkt og nú þótt vissulega sé skammt liðið á mót. Eftir fjórar umferðir voru bæði liðin með sex stig og aðeins Njarðvíkingar sem höfðu gert betur.

Deildarmeistarar Snæfells byrjuðu mun betur í leiknum og virtust líklegir til að ætla að valta yfir Borgnesinga en fyrstu fimm mínúturnar skoruðu gestirnir þrettán stig en heimamenn ekki nema þrjú. Valur Ingimundarson þjálfari Skallagríms tók þá í hnakkadrambið á sínum mönnum og þeir tóku vel við sér. Þegar fyrsta leikhluta lauk voru Skallagrímsmenn búnir að rétta sinn hlut og staðan orðin 23 – 24. Borgnesingar sigu síðan fram úr og í leikhléi höfðu þeir yfir 45 – 35. Sá munur hélst að miklu leyti út leikinn en á síðustu mínútunum gerðu Snæfellingar harða atlögu að forystu Skallagríms. Litlu munaði að þeim tækist að jafna en þeir misnotuðu færi á síðustu mínútunum sem voru reyndar nokkuð dramatískar. Lokatölur urðu 79 – 71 og verður það að teljast nokkuð sanngjarnt því Snæfellingar voru nokkuð frá sínu besta.

Í liði Skallagríms var Clifton Cook afgerandi, skoraði 28 stig og átti í heildina mjög góðan leik. Finnur Jónsson átti frábæra innkomu og er sá leikmaður sem komið heufr mest á óvart að undanförnu. Þá kom Ari Gunnarsson sterkur inn og sýndi að hann er ekki dauður úr öllum æðum þrátt fyrir að hafa átt erfitt uppdráttar að undandförnu. Jovan Zdravevski var sömuleiðs sterkur að vanda.

Í liði Snæfells voru þeir Sigurður Þorvaldsson og Hlynur Bæringsson áberandi bestir. Hlynur skoraði 21 stig og Sigurður 23. Þeir Desmond Peoples og Pierre Green voru hinsvegar nokkuð frá sínu besta.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is