Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. júní. 2013 10:05

Ólafsvíkurvaka hefst í kvöld

Um næstu helgi fer fram fjölskylduhátíðin Ólafsvíkurvaka í Ólafsvík. Dagskrá hátíðarinnar hefst í kvöld, föstudagskvöld, með hoppuköstulum frá Sprelli og bryggjuballi með hljómsveitinni Allt í einu við Ólafsvíkurhöfn. Svangir þurfa ekki að örvænta við bryggjuna því Slysavarnarfélagið hyggst selja fiskisúpu á staðnum til styrktar starfi sínu. Aðaldagskrá Ólafsvíkurvöku fer síðan fram á morgun, laugardag. Efnt verður til hátíðardagskrár á Þorgrímspalli þar sem m.a. koma fram Ólöf Gígja og Aron Hannes, ungir trúbadorar úr Snæfellsbæ, Lína langsokkur og Karíus, Dívurnar þrjár og þátttakendur í hæfileikakeppni barna. Hoppukastalar verða á svæðinu og einnig markaður. Hverfagrill er loks á döfinni um kvöldið og kl. 21 skrúðganga íbúa í sjómannagarðinn þar sem haldinn verður brekkusöngur og flutt skemmtiatriði úr hverju hverfi bæjarins. Dagskrá kvöldsins lýkur síðan með bryggjuballi frá kl. 23-01 þar sem hljómsveitin Ungmennafélagið leikur fyrir dansi.

 

 

Fleiri viðburðir fara einnig fram á morgun. Dorgveiðikeppni Sjósnæ og Landsbankans verður haldin á bryggjunni kl. 10:30 og þá verður ræst í Snæfellsjökulshlaupinu frá Arnarstapa kl. 12. Á sunnudaginn fer fram messa í Ólafsvíkurkirkju kl. 14 og um kvöldið Vesturlandsslagur Víkings og ÍA í Pepsi deildinni á Ólafsvíkurvelli kl. 20. Söfn, veitingahús og aðrar verslanir í Ólafsvík verða með lengdan opnunartíma yfir helgina. Búast má við mikilli stemningu í bænum en þetta er í þriðja sinn sem Ólafsvíkurvaka er haldin.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is