Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. júní. 2013 05:28

Risatjald við Faxabraut sem hýsa mun hluta Lopapeysunnar og fleiri viðburði

Á bílastæði við Akraneshöfnina, við hlið Sementsskemmunnar, var reist í gær 1.300 fermetra samkomutjald, en uppsetning þess er undirbúningur fyrir Írska daga sem fram fara á Akranesi um næstu helgi. Tjaldið verður nýtt fyrir kvöldvöku á föstudagskvöldinu, markað á laugardeginum en hluti af tíundu Lopapeysunni verður síðan í tjaldinu um kvöldið auk þess sem dansleikur verður samhliða því í Sementsskemmunni. Að sögn Ísólfs Haraldssonar bíóstjóra og forsvarsmanns Vina hallarinnar, sem skipuleggur Lopapeysuna 2013, er nýjung að tjalda svo stóru tjaldi á Skaganum. Aðspurður segir hann að nú stækki samkomusvæðið um meira en helming og gestir geti örugglega fundið tónlist við sitt hæfi.

 

 

 

 

 

„Á kvöldvökunni á föstudagskvöldinu verða m.a. Dúndurfréttir að spila, Eyþór Ingi, Magni og Hreimur, en kynnir verður Ólafur Páll Gunnarsson. Kvöldvakan hefst klukkan 22,“ segir Ísólfur. Daginn eftir verður svo markaður frá klukkan 10 til 16 í tjaldinu en strax að honum loknum verður farið að undirbúa einn stærsta tónlistarviðburð ársins hér á landi. „Á Lopapeysunni verður engu til sparað enda eigum við afmæli. Við opnum svæðið með brekkusöng, fyrst verður komið saman á Þyrlupallinum við Jaðarsbakka klukkan 22 og þaðan fer svo hópurinn fylktu liði niður að höfn og á miðnætti mun elíta íslenskar tónlistarsögu koma saman til að halda með veglegum hætti upp á 10 ára afmæli Lopapeysunnar,“ segir Ísólfur. Meðal þeirra sem koma þar fram eru Bubbi, Helgi Björns, Páll Óskar, Jón Jónsson, Matti Papi og Hljómsveit íslenska lýðveldisins. Forsala á Lopapeysuna hefur gengið vonum framar að sögn Ísólfs og von á þúsundum gesta.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is