Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. júlí. 2013 10:03

Svekkjandi tap Skagamanna fyrir Þór

Það voru svekktir Skagamenn sem fóru heim af Akranesvelli í gærkvöldi eftir 1:2 tap fyrir Þór. Óheppnin elti Skagamenn í leiknum. Þeir fengu ranglega dæmda á sig vítaspyrnu strax á 9. mínútu leiksins þar sem Páll Gísli Jónsson varði glæsilega. Eftir að hafa jafnað 1:1 á lokamínútu venjulegs leiktíma fengu Skagamenn síðan á sig mark í viðbótartíma sem aldrei átti að standa. Í þættinum Pepsímörkin sást greinilega að brotið var á Eggerti Kára Karlssyni sem varð til þess að boltinn fór af honum og í markið. Fyrri hálfleikur var opinn og skemmtilegur en markalaus. Skagamenn byrjuðu seinni hálfleikinn vel og m.a. átti Jóhannes Karl fyrirliði gott skot sem markvörður Þórs gerði vel að verja. Þórsarar komust yfir á 61. mínútu með góðu marki þar sem vörn Skagamanna virkaði flöt.

Sóknarleikur ÍA var einhæfur og útlitið ekki gott, sérstaklega þegar Jói Kalli fyrirliði var rekinn af velli á 87. mínútu eftir að hafa ýtt við Ármanni Pétri Ævarssyni sem hafði þá brotið gróflega á honum. En úr rættist þegar Eggert Kári var felldur í teignum undir lokin og réttilega dæmd vítaspyrna. Garðar Bergmann Gunnlaugsson skoraði af öryggi úr vítinu en mínútu síðar kórónaðist lánleysi Skagamanna þegar þeir fengu á sig mark sem reyndist sigurmark leiksins.

 

Eftir þennan leik er staða ÍA á botni deildarinnar jafn skelfileg og fyrr og greinlegt að brekkan verður brött sem klífa þarf á næstunni. Næsti leikur er afar mikilvægur, en hann verður í Árbænum gegn hinu botnliðinu, Fylki, mánudagskvöldið 15. júní nk. einmitt þann dag sem félagaskiptaglugginn opnast. Ljóst er að þá verða breytingar í leikamannahópi ÍA.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is