Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. ágúst. 2013 01:01

Ágreiningur um fjölda háskóla

Rektorar háskólanna á Vesturlandi, Háskólans á Bifröst og Landbúnaðarháskóla Íslands (LbhÍ), eru ekki einhuga um hver æskilegur fjöldi háskóla á Íslandi sé. Ágúst Sigurðsson, rektor LbhÍ, vill sameina alla háskóla í einn sem hefði starfsstöðvar víða um land, en Vilhjálmur Bjarnason, rektor á Bifröst, telur að slíkt væri afturför og ávísun á stöðnun og lakari háskóla. Illugi Gunnarsson menntamálaráðherra hefur lýst yfir vilja sínum til að sameina háskólastofnanir og fækka þeim. Hann hefur ekki enn gefið neitt upp um hvaða háskólar séu undir í þeim efnum, en hefur sagt að hann horfi til smærri skóla. Þá hefur hann lýst því yfir að Háskóli Íslands og Háskólinn í Reykjavík verði ekki sameinaðir í bráð.

Ágúst kallar eftir því að yfirvöld taki ákvörðun sem fyrst um hvernig háskólakerfið skuli líta út til framtíðar. „Ég tel að við eigum að taka af skarið núna um hvernig á að gera þetta og fara með þetta alla leið. Sameining er ekki endilega þannig að verið sé að leggja eitthvað niður og í henni geta falist sóknarfæri. Ég hef talað fyrir því í mörg ár að okkur dugi alveg Íslenski háskólinn. Innan hans gætu síðan starfað mismunandi sjálfstæðar einingar. Við þurfum á því að halda að þjappa okkur saman, en kerfið er allt undirfjármagnað, eins og allar kannanir og útreikningar sýna.“

 

Vilhjálmur segir að hvað Bifröst áhræri sé raunhæfasta möguleikinn sameining við Hólaskóla. Bifröst muni þó ekki taka frumkvæði í því. Hann segir enga töfratölu vera um fjölda háskóla, en er á móti því að þeir verði allir sameinaðir í einn. „Ég tel að það þurfi að ríkja samkeppni á þessu sviði eins og öðrum í samfélaginu. Sú samkeppni sem hefur þróast í uppbyggingu og rekstri háskóla á Íslandi á síðustu tveimur til þremur áratugum hefur skilað miklu til samfélagsins.“

 

Sjá nánar í nýjasta tölublaði Skessuhorns sem kom út í gær. Þar er rætt við rektora háskólanna á Vesturlandi, þá Ágúst Sigurðsson rektor Lbhí og Vilhjálm Egilsson rektor Háskólans á Bifröst.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is