Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. ágúst. 2013 10:37

Skagakonur í engum vandræðum með nágranna sína frá Ólafsvík

ÍA og Víkingur Ólafsvík mættust í Vesturlandsslag á Akranesvelli í síðustu umferð A-riðils 1. deildar kvenna í knattspyrnu sem fram fór í gær og lauk leiknum með 9-2 sigri Skagakvenna. Hávaðarok var á Akranesvelli þegar leikurinn fór fram og byrjuðu Víkingsstúlkur með vindinn í bakið. Það virtist ekki hafa verið þeim hagstætt því þær fengu á sig mark strax á fyrstu mínútu leiksins. Við þetta opnuðust flóðgáttir hjá Víkingi sem ÍA stúlkur nýttu sér til fulls. Framherji ÍA, Guðrún Karítas Sigurðardóttir, var stöðug ógn að marki Víkings og skoraði hún þrjú mörk af þeim sex sem Skagakonur skoruðu í fyrri hálfleik á móti aðeins einu hjá Víkingi. Seinni hálfleikur var heldur rólegri. Skagakonur voru nú með vindinn í bakið og örugga fimm marka forustu og héldu boltanum mikið. Fjögur mörk bættust við á stuttum kafla í seinni hálfleik og skoruðu þær frá Akranesi þrem af þeim og staðan því orðin 9-2 þegar um tíu mínútur voru eftir. Það reyndist lokaniðurstaða leiksins og stórsigur Skagakvenna á nágrönnum sínum frá Snæfellsbæ því staðreynd.

Eftir leikinn er ÍA í öðru sæti A-riðils 1. deildar kvenna með 34 stig, jafnt toppliði Fylkis sem er með fleiri mörk skoruð og á tvo leiki til góða á ÍA. Á sama tíma situr Víkingur á botni riðilsins með 6 stig.

 

Næsti leikur Víkingskvenna er sunnudaginn 11. ágúst þar sem þær taka á móti BÍ/Bolungarvík á Grundarfjarðarvelli.

 

Næsti Leikur ÍA verður gegn Fram á Framvelli föstudaginn 16. ágúst.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is