Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. ágúst. 2013 09:41

Eins stigs vika hjá Víkingum

Eftir byrjunina á leik Víkings og Þórs á Ólafsvíkurvelli í gær, gátu fjölmagrir stuðningsmenn Víkings verið bjartsýnir á að þeirra menn væru að styrkja stöðu sína verulega í botnbaráttunni í Pepsídeildinni. Fyrsta hálftímann í leiknum voru heimamenn mun betri og Þórsarar heppnir að vera ekki nema einu marki undir. Þá dundi ógæfan yfir Víkinga þegar þeir misstu mann af velli og eftir það var ljóst að baráttan yrði erfið manni færri. Leiknum lauk með 1:1 jafntefli. Víkingar eru sem fyrr í 10. sæti deildarinnar með 11 stig, þremur stigum minna en Þór í 9. sætinu og einu og fjórum stigum meira en Keflavík og ÍA sem eru í fallsætunum.

Eins og áður segir voru Víkingar mun betri fyrsta hálftímann. Guðmundur Steinn Hafsteinsson lék með að nýju og hann skoraði strax á 12. mínútu. Var þá snöggur til að afgreiða boltann í markið eftir að markvörður Þórs festi hælinn í marknetinu þegar hann var  að taka á móti sendingu frá varnarmanni. Guðmundur Steinn var síðan full bráður á 34. mínútu, þegar hann sparkaði í boltann í magahæð á móti Þórsara sem kom á fleygiferð upp völlinn, og fékk Guðmundur fyrir það að líta rauða spjaldið. Þar með jafnaðist leikurinn og Þórsurum tókst svo að jafna leikinn með góðu marki á 58. mínútu. Mark Tubæk skoraði þá eftir að hafa farið illa með Víkingsvörnina og bætti með því fyrir mistökin þegar hann sendi aftur á markvörð sinn í fyrri hálfleiknum og úr varð slysalegt mark.

 

Þetta var því eins stigs vika hjá Víkingum því á miðvikudagskvöldið töpuðu þeir fyrir Keflvíkingum 0:2 suður með sjó. Næst bíður Víkinga að fara út í Eyjar næstkomandi sunnudag þar sem þeir mæta Eyjamönnum í Pepsídeildinni.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is