Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. ágúst. 2013 10:28

Mikið magn makríls mældist við Ísland

Tæplega mánaðarlöngum rannsóknarleiðangri Árna Friðrikssyni, skips Hafrannsóknastofnunar lauk 8. ágúst síðastliðinn. Leiðangurinn hafði það markmið að kanna útbreiðslu og magn makríls í íslenskri og grænlenskri lögsögu og er það í fyrsta sinn sem grænlenskt hafsvæði var með í þessum rannsóknum. Leiðangurinn var liður í sameiginlegum rannsóknum Íslendinga, Norðmanna, Færeyinga og Grænlendinga á dreifingu og magni helstu uppsjávartegunda á ætissvæðum í Norðaustur Atlantshafi og umhverfisaðstæðum á því svæði. Hafró hefur gefið út bráðarbirgðaniðurstöður úr leiðangrinum en helstu niðurstöður þessara rannsókna munu birtast í sameiginlegri skýrslu, sem birt verður síðari hluta þessa mánaðar.

 

 

Teknar voru 102 togstöðvar, 96 sjórannsóknastöðvar og 93 átustöðvar í leiðangrinum og var alls 1300 mögum safnað til fæðugreiningar, þar af rúmum 700 makrílmögum. Einnig var hjörtum úr íslenskri sumargotssíld safnað til greiningar á sýkingu sem hrjáð hefur þennan stofn. Fyrstu niðurstöður sýna að magn makríls er minna en á síðasta ári þegar tæp 1,5 milljón tonna mældust við Ísland, þó sýna niðurstöður að mikið magn makríls er á íslensku hafsvæði. Nokkuð varð vart við þriggja ára makríl frá Suðausturlandi til Vesturlands og gæti það verið vísbending um mikla stærð 2010 árgangsins, en hann var einnig áberandi í rannsóknum Norðmanna og Færeyinga. Makríll var einnig í umtalsverðu magni í grænlenskri lögsögu.

Síld fannst einnig víða á rannsóknarsvæðinu, sú norsk-íslenska fyrir austan land og íslensk sumargotssíld fyrir sunnan- og vestanverðu landinu. Samkvæmt bráðabirgðaútreikningum Hafró var hátt hlutfall norsk-íslenska síldarstofnsins innan íslenskrar lögsögu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is