Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. ágúst. 2013 11:18

Vilja starfsemi rannsóknarnefndar sjóslysa áfram í Hólminum

Bæjarráð Stykkishólms samþykkti á fundi sínum sl. fimmtudag að skora á Hönnu Birnu Kristjánsdóttur innanríkisráðherra að sjá til þess að þau störf sem tengdust rannsóknarnefnd samgönguslysa á landsbyggðinni verði þar áfram. Rannsóknarnefnd sjóslysa hefur í mörg ár verið með starfsstöð í Stykkishólmi í húsnæði Flugmálastofnunar með tvo starfsmenn. Ráðuneyti hefur sagt upp leigu á húsnæðinu og stefnir í að rannsóknarnefnd sjóslysa ljúki starfsemi í Stykkishólmi í októbermánuði næstkomandi. Flytjist þá í sameiginlegt húsnæði samgöngunefndar sem nú er unnið að standsetningu á í Reykjavík.  Lárus Ástmar Hannesson nýendurkjörinn formaður bæjarráðs Stykkishólms hafði forgöngu um að málið var tekið upp á fundi bæjarráðs í síðustu viku. Lárus sagði í samtali við Skessuhorn að þegar samþykkt var í þinginu í vor að slysarannsóknanefndirnar þrjár: flug,- sjó- og umferðar, yrðu sameinaðar í samgöngunefnd með bækistöð í Reykjavík, hefði þess verið farið á leit við Ögmund Jónasson þáverandi innanríkisráðherra að rannsóknarnefnd sjóslysa yrði áfram með starfsstöð í Stykkishólmi.

Lárus Ástmar sagði að Ögmundur hafi verið ófáanlegur til þess. Nú hafi bæjarráði þótt rétt að láta reyna á það hvort nýr innanríkisráðherra, Hanna Birna Kristjánsdóttir, væri tilbúin að breyta því sem Ögmundur vildi ekki breyta, ekki síst í ljósi þess að tiltekinn þingmaður Sjálfstæðisflokks hefði talið fullvíst að flokkurinn myndi breyta þessari ákvörðun kæmist hann í ríkisstjórn.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is