Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. ágúst. 2013 04:02

Gert verður við Magnús SH á Akranesi og stefnt að verklokum í mars

Búið er að taka ákvörðun um að gera við Magnús SH, skip Skarðsvíkur ehf í Rifi, í skipasmíðastöð Þ&E á Akranesi. Eins og kunnugt er kom upp eldur í skipinu þegar unnið var við lengingu þess og viðgerðir 30. júlí síðastliðinn í Slippnum á Akranesi. Upptök brunans eru rakin til rafmagnstækis í eldhúsi. Tryggingamiðstöðin hefur bókfært tjón vegna brunans upp á 180 milljónir króna, en tjónið á skipinu er þó mun meira. Það var þó ekki dæmt ónýtt en óvissa var um tíma um hvort gera ætti við það eða ekki. Nú hefur verið ákveðið, að sögn eiganda skipsins, að láta gera skipið upp og verður verkið unnið hjá Þorgeiri og Ellert hf. á Akranesi. Skipta þarf m.a. um lítinn hluta af ytra byrði stjórnborðsmegin, smíða nýja brú og endurinnrétta allt í kringum brunasvæði í skipinu. „Það verður klárað að gera við skipið hjá Þ&E, enda er skipið þar og erfitt að flytja það annað í þessu ástandi. Þeir hjá Þ&E vinna vel og það er búið að gera mikið fyrir skipið. Það hefði verið afar leiðinlegt að þurfa að henda þessu öllu,“ sagði Sigurður Kristjónsson skipstjóri og útgerðarmaður Magnúsar SH í samtali við Skessuhorn.

Samkvæmt tilboðinu um viðgerðir á skipinu eiga lagfæringar á Magnúsi SH að standa yfir í sex mánuði og á báturinn að verða klár til veiða í mars. Aðspurður hvort mögulegt verði að ná að veiða kvóta Magnúsar SH á þeim tíma sem þá verður eftir af kvótaárinu, svaraði Sigurður: „Já, við verðum að veiða af krafti og taka alvöru stemningu á þetta þegar skipið kemur úr viðgerð.“

 

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is