Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. ágúst. 2013 10:33

Skagamenn náðu stigi undir lokin

Lið ÍA og Breiðabliks mættust í gær á Akranesvelli í frestuðum leik 14. umferðar Pepsídeildar karla í knattspyrnu. Var leikurinn mikilvægur fyrir bæði lið enda farið að síga á seinni hluta tímabilsins. ÍA er á botni deildarinnar á meðan Breiðablik berst um efstu sætin hinum megin á stigatöflunni. Skagamenn hófu leikinn af krafti og sóttu stíft að marki Breiðabliks þar sem markvörður þeirra þurfti oft að hafa sig allan við að halda markinu hreinu. Hvorugu liði tókst þó að skora í fyrri hálfleik þrátt fyrir góð marktækifæri.

Breiðablik gerði skiptingu í hálfleik sem átti svo sannarlega eftir að borga sig fyrir liðið. Ellert Hreinsson kom þá inn á og skoraði hann fyrsta mark leiksins eftir að tvær mínútur voru liðnar af síðari hálfleik. Á 65. mínútu kom svo annað mark leiksins þegar Sverrir Ingi Ingason skallaði boltann í markið eftir hornspyrnu og kom þar með gestunum úr Kópavogi í 0-2. Skagamenn gáfust hins vegar ekki upp og á minnkuðu muninn á 76. mínútu þegar Eggert Kári Karlsson skallaði boltann í netið. Hafþór Ægir Vilhjálmsson varð svo hetja heimamanna þegar hann jafnaði leikinn á 88. mínútu en Hafþór var þá nýkominn af varamannabekknum. Ekki urðu mörkin fleiri og 2-2 jafntefli varð lokaniðurstaðan á Akranesvelli. 

Skagamenn eru eftir leikinn enn í neðsta sæti deildarinnar með átta stig þegar sex umferðir eru eftir. Næsti leikur þeirra verður mánudaginn 26. ágúst, þar sem þeir leika gegn Stjörnunni á Samsungvellinum í Garðabæ og hefst sá leikur klukkan 19:15.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is