Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. ágúst. 2013 12:00

Stórsigur Grundfirðinga gegn ÍH

Grundarfjörður tók á móti ÍH sl. föstudag á rennandi blautum Grundarfjarðarvelli í þriðju deildinni í fótboltanum. Gengi þessara liða hefur verið ólíkt í sumar en ÍH sat í þriðja sæti deildarinnar á meðan Grundfirðingar voru í þriðja neðsta sæti fyrir leikinn. Strax í upphafi sáu áhorfendur hvert stefndi því að heimamenn mættu grimmir til leiks. Grundfirðingar sóttu af krafti og uppskáru nokkur góð færi en á 19. mínútu varð eitthvað undan að láta þegar Ingólfur Örn Kristjánsson skoraði fyrsta mark leiksins. Fimm mínútum síðar kom Dalibor Lazic heimamönnum í 2-0 þegar hann skoraði af stuttu færi. Heimir Þór Ásgeirsson kom Grundfirðingum svo í 3-0 með glæsilegu skoti fyrir utan teig á 28. mínútu. Hermann Geir Þórsson skoraði svo fjórða mark Grundfirðinga á 31. mínútu og heimamenn komnir í 4-0. Gestirnir náðu að klóra í bakkann og minnkuðu muninn á 35. mínútu. Í síðari hálfleik héldu heimamenn uppteknum hætti og strax í upphafi hans skoraði Danijel Smiljkovic gott mark.

Ingólfur Örn var svo aftur á ferðinni á 55. mínútu þegar að hann kom heimamönnum í 6-1 og í raun aðeins spurning hversu stór sigur heimamanna yrði. Gestirnir sáu aldrei til sólar í þessum leik. Christian Hurtado Guillamon skoraði svo sjöunda mark heimamanna beint úr aukaspyrnu á 66. mínútu og Ingólfur Örn fullkomnaði þrennuna á 80. mínútu og staðan orðin 8-1. Það var svo varamaðurinn Kristinn Magnús Pétursson sem batt endahnútinn á stórsigur Grundfirðinga með glæsilegu marki á 82. mínútu. Lokastaðan var því 9-1 og þriðji sigur Grundfirðinga í röð staðreynd. Með þessum sigri lyftu þeir sér upp í 6. sæti deildarinnar en lítill munur er á stigafjölda neðstu liða í deildinni þannig að allt er galopið ennþá.

 

Næsti leikur Grundarfjarðar er gegn Augnabliki næstkomandi laugardag á Versalavelli.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is