Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. ágúst. 2013 06:01

Á níunda tug umsókna um tvö störf verkamanna í Þörungaverksmiðjunni

„Það eru komnar 82 umsóknir, þar af frá íbúum fjögurra þjóðlanda, fyrir utan Ísland. Sextán erlendar umsóknir eru á ensku, spænsku eða þýsku en ég hef ekki kafað ofan í þær. Ég er að leita að tveimur einstaklingum í verkamannastörf og sá ekki ástæðu til að hella mér út í tungumálalærdóm,“ segir Garðar Jónsson, framleiðslustjóri Þörungaverksmiðjunnar á Reykhólum í samtali við Bæjarins besta á Ísafirði. Þrátt fyrir þennan fjölda umsókna var enginn heimamaður sem sótti um. Þeir sem voru búsettir næst Reykhólum eru á Hólmavík og í Búðardal. Stærsti hlutinn er af höfuðborgarsvæðinu. Talsvert margar umsóknir kom frá vel menntuðu fólki, jafnvel með tæknimenntun, að sögn Garðars.

 

 

Auglýst var eftir fólki á þangvertíðina sem stendur til 1. nóvember. „Ég reiknaði með fimm til tíu umsóknum. Þetta er alveg ótrúlegt. Við erum að ganga frá ráðningu í vikunni. Það var skipstjóramenntað fólk sem sótti um, fólk sem er menntað í viðskiptageiranum og rafeindamenntaður einstaklingur. Hann lauk námi erlendis svo ekki er víst hvort menntunin sé viðurkennd hér á landi,“ segir Garðar. Hann segist eiga kost á þremur íbúðum fyrir starfsmenn en íbúðaskortur hefur verið vandamál á svæðinu. Garðar hefur starfað í stóriðju í yfir 20 ár og margoft auglýst eftir fólki á miklu stærra svæði og fengið færri umsóknir. „Það er einhver sveitarómantík í gangi en við viljum líka trúa því að fyrirtækið hafi það með sér að fólk vilji koma,“ segir Garðar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is