Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. ágúst. 2013 09:01

Kortleggja helstu áherslur í komandi kjaraviðræðum

Kjarasamningar á almennum vinnumarkaði renna út 1. nóvember næstkomandi. Í ljósi þess ákvað stjórn Verkalýðsfélags Snæfellinga að framkvæma spurningakönnun meðal félagsmanna til að gefa þeim kost á að hafa áhrif á þær áherslur sem lagðar verða í komandi kjaraviðræðum. Þátttakendur í könnuninni voru beðnir um að merkja við átta af 20 atriðum og raða þeim um leið eftir mikilvægi. Svarendur vilja helst leggja áherslu á þrjú atriði. Þau eru að tryggja kaupmátt, hækka skattleysismörk og leggja sérstaka áherslu á hækkun lægstu launa. Hækkun á vakta- og yfirvinnuálagi eru einnig ofarlega í huga svarenda og þá sérstaklega hjá afgreiðslu- og skrifstofufólki, enda er yfirvinnuálag þess lægra en hjá verkafólki. Þá vilja félagsmenn í Verkalýðsfélagi Snæfellinga leggja sérstaka áherslu á hækkun launa svokallaðra kvennastétta og að bæta veikinda- og slysarétt. Eining töldu margir að nauðsynlegt væri að tryggja betur flutning á áunnum réttindum á milli fyrirtækja og fjölga starfsaldursþrepum í launatöflu.

 

 

Áherslur eru ólíkar á milli hópa þó efstu þrjú atriðin séu nokkuð ofarlega á baugi hjá flestum. Nefnt er að karlar leggi minni áherslu á sérstaka hækkun lægstu launa og hafa engan áhuga á að hækka laun kvennastétta sérstaklega. Að jafnaði voru þeir karlar sem svöruðu með hærri laun en konurnar. Fiskvinnslufólk leggur mikla áherslu á að færa hluta af bónusgreiðslum inn í tímakaupið og ungt fólk hefur mun meiri áhuga en þeir sem eldri eru að færa fimmtudagsfrídaga að helgum. Elsti aldurshópurinn leggur áherslu á bætt lífeyrisréttindi og hækkun á bótum í almannatryggingakerfinu. Fram kemur að félagsmenn vilji leggja áherslu á kjarasamning til skamms tíma sem byggi á þjóðarsátt.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is